புதிய BS6 ரக பேருந்துகள் இயக்கத்தை தொடங்கி வைத்தார் முதலமைச்சர் மு.க.ஸ்டாலின்

சென்னை, ஜன.20100 புதிய BS6 ரக பேருந்துகள் இயக்கத்தை தொடங்கி வைத்தார் தமிழக முதலமைச்சர் மு.க.ஸ்டாலின்.

காற்றின் மாசுபாட்டை குறைக்கும் வகையில், ரூபாய் 634.99 கோடி மதிப்பில் 1666 BS6 ரக பேருந்துகள் கொள்முதல் செய்ய தமிழக அரசின் போக்குவரத்துத்துறை திட்டமிட்டுள்ளது. இதன் முதற்கட்டமாக ரூ.37.98 கோடி மதிப்பிலான 100 புதிய BS6 ரக பேருந்துகள் இயக்கத்தை இன்று முதலமைச்சர் முக ஸ்டாலின் தொடங்கி வைத்தார்.

சென்னை மாநகர போக்குவரத்து கழகத்தின் மத்திய பணிமனையான பல்லவன் இல்லத்தில் இருந்து கொடியசைத்து, 100 பேருந்துகளின் இயக்கத்தை தொடங்கி வைத்தார் தமிழக முதல்வர் ஸ்டாலின். இந்த நிகழ்ச்சியில் அமைச்சர்கள் சிவசங்கர், சேகர்பாபு, சென்னை மேயர் பிரியா, தலைமை செயலாளர் சிவ்தாஸ் மீனா உள்ளிட்டோர் பங்கேற்றனர்.