சிதம்பரம் கோவிந்தராஜ பெருமாள் கோவிலில் பிரம்மோற்சவம் நடத்த பொதுதீட்சிதர்கள் ஒத்துழைக்க வேண்டும்: தெய்வீக பக்தர்கள் பேரவை நிறுவன தலைவர் கோரிக்கை

தெய்வீக பக்தர்கள் பேரவை நிறுவனத் தலைவர் ஜெமினி எம்.என். ராதா அறிக்கை ஒன்றை வெளியிட்டுள்ளார். அதில் அவர் கூறி இருப்பதாவது:

உலக பிரசித்தி பெற்ற சிதம்பரம் நடராஜர் கோவில் வளாகத்தில் நந்திவர்ம பல்லவ மன்னரால் கிபி 726 775 ம் ஆண்டு தில்லை கோவிந்தராஜ பெருமாள் கோவில் கட்டினார்.

2ம் குலோத்துங்க சோழன் கிபி 1133 ம் ஆண்டு சிதம்பரம் நடராஜர் கோவிலில் கட்டுமான பணிகள் மேற்கொண்ட போது சைவ, வைணவ பாகுபாட்டினால் தில்லை கோவிந்தராஜ பெருமாள் சிலை அப்புறப்படுத்தப்பட்டு கடலில் வீசப்பட்டதாக வரலாறு உள்ளது.

அதன் பின்னர் கிருஷ்ணப்ப நாயக்கர் மன்னரால் கி.பி 1564 1572 ம் ஆண்டு கோவிந்தராஜ பெருமாள் சிலை நிறுவப்பட்டது. பின்னர் லட்சுமி புண்டரிகவல்லி தாயார் கோவில் கட்டப்பட்டது. 108 திவ்ய தேசங்களில் ஒன்றான இந்த கோயில் திருச்சித்திரகூடம் என்றும் அழைக்கப்படுகிறது.