மின்துறை தனியார்மயமாகாது சபாநாயகர் செல்வம் புது தகவல்

புதுவை கவர்னர் உரைக்கு நன்றி தெரி விக்கும் தீர்மானத்தின் மீது திமுக உறுப்பினர் செந்தில் குமார் பேசினார்.

அவர் பேசும்போது சட்டமன்றத்தில் கூறியதாவது, மின்துறை தனியார் மயமாகும் போது எதற்காக நவீனப்படுத்த ரூ.490 கோடி அளிக்க வேண்டும். பணி ஆட்களை ஏன் நியமிக்க வேண்டும்? அப்போது சபாநாயகர் செல்வம்: (குறுக்கிட்டு) மின்துறை தனியார் மயமாகாது என பட்ஜெட்டில் கூறப்பட்டுள்ளது.

எதிர்க்கட்சித் தலைவர் சிவா: (குறுக்கிட்டு) முதலமைச்சர் தனியாக சபாநாயகரிடம் கூறியிருப்பார் போல தெரிகிறது. எதையும் சபையில் தெரிவிக்க வேண்டும். இதன்பின் நடந்த விவாதம் வருமாறு அமைச்சர் நமச்சிவாயம்: மின்துறைக்கு புதிய பணியாட்களை நியமிக்கும் அறிவிப்பு பட்ஜெட்டில் குறிப்பிடப்பட்டுள்ளது. மின் துறை தனியார் மயம் குறித்த வழக்கு கோர்ட்டில் உள்ளது. அதனால் இதனை வெளிப்படையாக விவாதிக்க முடியாது.