தமிழக சட்டசபை இன்று கூடியது: ‘டங்ஸ்டன்’ சுரங்கத்திற்கு எதிராக அரசு தீர்மானம் நிறைவேற்றம்

கூடுதல் செலவினங்களுக்கான துணை பட்ஜெட்டும் தாக்கல்

பரபரப்பான சூழ்நிலையில் தமிழக சட்டசபை இன்று கூடியது.

இதில் கூடுதல் செலவினங்களுக்கான பட்ஜெட் தாக்கல் செய்யப்பட்டது.

டங்ஸ்டன் சுரங்கத்துக்கு எதிராக அரசு தீர்மானம் கொண்டுவரப்பட்டு நிறைவேற்றப்பட்டது.

தமிழக சட்டசபையில் துறைவாரியான மானியக் கோரிக்கைகள்மீதான விவாதம் கடந்த ஜூன் 20 முதல் 29-ஆம் தேதி வரை 10 நாட்கள் நடைபெற்றது. பேரவை விதிகளின் படி ஒரு கூட்டம் முடிந்தால் அடுத்த 6 மாதத்திற்குள் அடுத்த கூட்டம் நடத்தப்பட வேண்டும். அந்த வகையில் இம்மாத இறுதிக்குள் சட்டசபைக் கூட்டம் நடத்த வேண்டும்.

எனவே சட்டசபைக்கூட்டம் டிச. 9-ஆம் தேதி நடைபெறும் என சபாநாயகர் மு. அப்பாவு அறிவித்திருந்தார்.

இதற்கிடையே கடந்த 2-ஆம் தேதி நடைபெற்ற அலுவலக ஆய்வுக்குழு கூட்டத்தில் சட்டசபைக்கூட்டத்தை டிச. 9 மற்றும் 10-ஆம் தேதிகளில் நடத்துவது என முடிவு எடுக்கப்பட்டது.

தமிழ்நாட்டில் நிலவும் பரபரப்பான அரசியல்சூழ்நிலையில் தற்போது சட்டசபைக்கூட்டம் நடைபெற்று வருகிறது.

இன்றுகாலை 9.30 மணிக்கு தொடங்கியது. முதலில் பேரவை முன்னாள் உறுப்பினர்கள் மறைவுக்கு இரங்கல் குறிப்பை சபாநாயகர் அப்பாவு வாசித்தார்.