பாலஸ்தீனர்கள் முற்றாக வெளியேற வேண்டும்: காசா முழுவதையும் நாங்களே எடுத்துக் கொள்வோம்!

அமெரிக்க அதிபர் டிரம்ப் அதிரடி அறிவிப்பு!!

இஸ்ரேல் தாக்குதலில் உருக்குலைந்த காசா நகரத்தை அமெரிக்காவின் கட்டுப்பாட்டின் கீழ் கொண்டு வரப் போவதாக அதிபர் டொனால்டு டிரம்ப் அதிரடியாக கூறியுள்ளார்.

மேலும் பாலஸ்தீனிய மக்கள் காசா நகரத்தை விட்டு அண்டை நாடுகளுக்குப் புலம் பெயர வேண்டும் என்றும் டிரம்ப் வலியுறுத்தியுள்ளார்.

இஸ்ரேல் பிரதமர் பெஞ்சமின் நெதன்யாகு உடனான சந்திப்புக்குப் பிறகு டிரம்ப் இந்த அறிவிப்பை வெளியிட்டார்.

அமெரிக்க அதிபர் தேர்தலில் வெற்றி பெற்று 2-வது முறையாக அதிபராக பதவியேற்ற டொனால்டு டிரம்ப், சட்டவிரோத குடியேற்றம், டாலர் வர்த்தகம், எல்லை விவகாரம் உள்ளிட்ட விவகாரங்களில் அடுத்தடுத்து பல்வேறு அதிரடி அறிவிப்புகளை வெளியிட்டு பரபரப்பை ஏற்படுத்தி வருகிறார்.

தான் அதிபராக இருந்திருந்தால் இஸ்ரேல்-ஹமாஸ் மற்றும் ரஷ்யா-உக்ரைன் போர்நடந்திருக்காது என்று டிரம்ப் கூறியது குறிப்பிடத்தக்கது. இந்நிலையில் டிரம்ப் விடுத்த அழைப்பை ஏற்று இஸ்ரேல் பிரதமர் பெஞ்சமின் நெதன்யாகு அரசுமுறை பயணமாக அமெரிக்கா சென்றுள்ளார்.

வெள்ளை மாளிகையில் இருதலைவர்களும் சந்தித்து போர் நிறுத்தம், இரு தரப்பு உறவு உள்ளிட்டவை குறித்து பேசிய நிலையில் இருவரும் கூட்டாக செய்தியாளர்களுக்கு பேட்டி அளித்தனர்.