அதிகக் குற்றங்கள் நடப்பதுபோல் தவறாக சித்தரிக்கப்படுகிறது: முந்தைய ஆண்டுகளை விட கொலைகள் குறைந்துள்ளன

எடப்பாடி பழனிசாமி புகாருக்கு முதல்வர் ஸ்டாலின் பதில்

- 

தமிழ்நாட்டில் முன்னணி ஆண்டுகளை விட கொலைக் குற்றங்கள் குறைந்துள்ளன என்றும், ஆனால் அதிக குற்றங்கள் தவறாக நடப்பதுபோல் சித்தரிக்கப்படுகின்றன என்றும் முதலமைச்சர் மு.க.ஸ்டாலின் கூறினார்.

சட்டசபையில் இன்று எடப்பாடி பழனிசாமியின் புகாருக்கு முதலமைச்சர் மு.க.ஸ்டாலின் பதிலளித்தார். அப்போது அவர் பேசியதாவது:

எதிர்க்கட்சித் தலைவர் அவர்கள் முறைப்படி, விதிமுறைகளின்படி அனுமதி கேட்காவிட்டாலும், நீங்கள் அவரைப் பேச அனுமதி தந்தீர்கள். நீங்கள்கூட அனுமதி தருவதற்கு யோசித்தீர்கள். ஆனால், நான் உங்களிடம் கேட்டுக்கொண்டதின் அடிப்படையில், நீங்கள் அதை ஏற்றுக்கொண்டு அவரைப்பேச அனுமதித்தீர்கள். அதைப் பயன்படுத்திக் கொண்டு, அவர் முறையாகப் பேசிருக்க வேண்டும். ஆனால், அவர் அதைப் பயன்படுத்திக் கொள்ளவில்லை. ஏனென்றால், நான் பதிலளிக்கும்போது, வேறு ஏதாவது விஷயங்களை நான் எடுத்துச்சொல்லிவிடுவேன் என்று பயந்துகொண்டு, இன்றைக்கு அவர்கள் வெளிநடப்பு செய்திருக்கிறார்கள். இருந்தாலும், நான் அவர்களுக்கு விளக்கம் அளிக்கக் கடமைப்பட்டிருக்கிறேன்.

நேற்று நான்கு கொலைகள் நடந்திருப்பதாக எதிர்க்கட்சித் தலைவர் இங்கே தெரிவித்தார். கோவை சம்பவத்தைப் பொறுத்தவரை யில், முதற்கட்டமாகத் தற்கொலை எனத் தெரிவிக்கப்பட்டுள்ளது. மதுரை சம்பவத்தைப் பொறுத்தவரையில், விசாரணை மேற்கொள்ளப்படுகிறது. சிவகங்கையில் நடைபெற்ற கொலை சம்பவம் குறித்து விசாரித்ததில், குடும்பத்தகராறு எனத் தெரியவந்துள்ளது.

ஈரோட்டில் நடைபெற்ற சம்பவம் குறித்து நான் இப்போது விரிவாகச் சொல்ல விரும்புகிறேன்.

சேலம்மாவட்டம், கிச்சிப்பாளையத்தைச் சேர்ந்த சரித்திரப் பதிவேடு குற்றவாளியான ஜான் (எ) சாணக்கியன் என்பவர் உயர் நீதிமன்ற நிபந்தனை பிணையின் அடிப்படையில் அன்னதானப்பட்டி காவல் நிலையத்தில் நேற்று கையொப்பமிட்டுவிட்டு, தன்னுடைய மனைவியுடன் காரில் திருப்பூர் நோக்கிச் சென்று போது, பின்னால் காரில் சென்ற அடையாளம் தெரியாத சிலர் இருவரையும் அரிவாளால் தாக்கிவிட்டுச் தவறி சென்றிருக்கிறார்கள். காயமடைந்த சாணக்கியன் நிகழ்விடத்திலேயே உயிரிழந்துவிட்டார். கொண்டிருந்த அவரது மனைவி, சித்தோடுதனியார் மருத்துவமனையில் அனுமதிக்கப்பட்டிருக்கிறார்.