કોમી રમખાણો હોય કે કોરોના મહામારી: રથયાત્રા માટે શ્રદ્ધા હંમેશાં રહી અડીખમ

૧૯૪૬, ૧૯૬૯ અને ૧૯૮૫માં કોમી તોફાનો-કર્ફ્યુ, વર્ષ ૧૯૯૩માં રથને બુલેટપ્રૂફ કવચ, ૨૦૨૦ના વર્ષમાં કાળમુખા કોરોનાકાળ વચ્ચે પણ ભક્તોએ ભગવાનની નગરચર્યાને હોંશે હોંશે વધાવી

અમદાવાદ, મંગળવાર

દોઢસો વર્ષ જૂની થવા આવેલી અમદાવાદની ભગવાન જગન્નાથજીની રથયાત્રાને ભક્તોની આસ્થાએ પરંપરાગત રીતે જાળવી રાખી છે. જમાલપુરમાં સાબરમતી નદીના જગન્નાથ કિનારે આવેલું મંદિર ૪૦૦ વર્ષ જૂનું મનાય છે. રથયાત્રા માનવસર્જિત અને કુદરતસર્જિત અનેક વિઘ્નોમાંથી પસાર થયા બાદ પણ ભક્તોની આસ્થાને અબંધ રાખી શકી છે. ભગવાન જગન્નાથજીએ અનેક વિઘ્નો વચ્ચે પણ ભક્તો સમક્ષ જવાનું પસંદ કર્યું છે પરંતુ કોરોનાકાળે આ પરંપરાને તોડી હતી અને ભગવાનને મંદિર પરિસરમાં જ રહેવું પડ્યું હતું.