કાંકરિયા કાર્નિવલમાં ખિસ્સા કાતરુથી સાવધાન રહેજોઃ લોકોની સુરક્ષા માટે પોલીસ સ્ટેન્ડ બાય

કાંકરિયા ખાતે પોલીસ કંટ્રોલરૂમ બતાવાયોઃ ઉચ્ચ અધિકારી સાથે પોલીસની ફોજ તહેનાત

કાંકરિયા કાર્નિવલનો પ્રારંભ આજથી થઇ ગયો છે ત્યારે કોઇ અમદાવાદી તેમજ વીવીઆઇપી ગેસ્ટ સાથે કોઇ અનિચ્છનીય બનાવ ન બને તે માટે પોલીસ સાત દિવસ સુધી ખડેપગે તહેનાત છે. લાખોની સંખ્યામાં અમદાવાદીઓ કાંકરિયા કાર્નિવલની મજા માણવા માટે આવશે. જેમાં કેટલાક લોક બદઇરાદા સાથે પણ આવતા હોય છે. કાર્નિવલમાં ખિસ્સાકાતરુઓનો દર વર્ષે આતંક જોવા મળે છે. ભીડનો લાભ લઇને ખિસ્સાકાતરુઓ લોકોનાં પર્સ, મોબાઇલ તેમજ દાગીનાઓની ચોરી કરતા હોય છે. ખિસ્સાકાતરુઓથી સાવધાન રહેવા માટે પોલીસ દ્વારા જાણ પણ કરવામાં આવતી હોય છે.