ધો.૧૦માં સ્ટાન્ડર્ડ ગણિતમાં ફેલ ૩૯૩૦ વિધાર્થી હવે પૂરક પરીક્ષામાં બેઝિક ગણિત રાખી શકશે

ધોરણ-૧૦ની પૂરક પરીક્ષા માટે રજિસ્ટ્રેશનની અંતિમ મુદત લંબાવી ૧૨ જૂન કરવામાં આવી

અમદાવાદ, શનિવાર

ગુજરાત માધ્યમિક અને ઉચ્ચત્તર માધ્યમિક શિક્ષણ બોર્ડ દ્વારા લેવામાં આવેલી ધોરણ૧૦ની પરીક્ષાનું પરિણામ જાહેર થઇ ચૂક્યું છે. ધોરણ- ૧૦માં જે વિદ્યાર્થી એક અથવા બે વિષયમાં કોઈ કારણસર ગેરહાજર હોય હોય અથવા એક કે બે વિષયમાં નાપાસ હોવાને કારણે ગુણપત્રકમાં ‘સુધારણાને અવકાશ’ ધરાવે છે તેવા પૂરક પરીક્ષા આપવા ઇચ્છુક વિદ્યાર્થી વર્ષ-૨૦૨૩ની પૂરક પરીક્ષા આપી શકશે. ધોરણ-૧૦ની પૂરક પરીક્ષા માટે ઓનલાઇન રજિસ્ટ્રેશન કરવાની અંતિમ તા.૮ જૂન નિયત કરવામાં આવી હતી, જે લંબાવીને તા.૧૨ જૂનના રોજ સાંજના પાંચ કલાક સુધી કરવામાં આવી છે.