રાજ્યના છ હજાર ઈજનેર સહિત ૪૬ હજારથી વધુ વીજ કર્મચારી આજે માસ સીએલ પર, રિપેરિંગ કાર્ય અટવાશે

‘અખિલ ગુજરાત વિદ્યુત કામદાર સંઘ'નો ટેકો, મેઈન લાઈનમાં સમસ્યા સર્જાય તો કોઈ રિપેર કરવા નહીં જાય

અમદાવાદ, મંગળવાર

વિવિધ પડતર પ્રશ્નોને લઈને જીઈબી એન્જિનિયર્સ એસોસિયેશન-જીબીએ દ્વારા જેટકોમાં કર્મચારી અને ઈજનેરોએ આજે આંદોલનની શરૂઆત કરી છે. રાજ્યના છ હજાર ઇજનેર સહિત ૪૦ હજારથી વધુ વીજ કર્મચારી આજે આંદોલનમાં જોડાયા છે. જેને ‘અખિલ ગુજરાત વિદ્યુત કામદાર સંઘ’ દ્વારા ટેકો જાહેર કરાયો છે. આજે તમામ ઇજનેર અને કર્મચારી માસ સીએલ પર છે. જેના કારણે રિપેરિંગનાં અનેક કાર્ય આજે અટવાઈ જશે. આ હડતાળની સૌથી વધુ અસર કચ્છ અને સૌરાષ્ટ્રમાં પડશે. પ્રવર્તમાન બિપ૨જોય વાવાઝોડાથી ઊભી થયેલી પરિસ્થિતિ સામે વીજ પુરવઠો જળવાઇ રહે તે માટે ઇજનેર તેમજ કર્મચારીએ દિવસ રાત જોયા વગર ફરજ બજાવી છે ત્યારે આ તમામ કામગીરી હવે અટવાઈ જશે.