રોહિતની વર્લ્ડકપ કાઉન્ટડાઉનની જાહેરાતઃ ૧૨ વન ડે મેચથી નક્કી થશે ટીમ ઇન્ડિયા

આજથી લઈને વિશ્વકપ સુધી ભારત પાસે પોતાની તૈયારીઓ, ટીમ કોમ્બિનેશન તપાસવા માટે લગભગ ૧૨ વન ડે મેચ છે

બ્રિજટાઉન, ગુરુવારઃ

ટીમ ઇન્ડિયા હવે બે મહિના બાદ ઘરઆંગણે યોજાનારા વન ડે વર્લ્ડકપની તૈયારીઓના અંતિમ ચરણમાં છે. વિન્ડીઝ સામે ત્રણ મેચની વન ડે શ્રેણીથી આની શરૂઆત થશે. વિન્ડીઝ સામે ટીમ ઇન્ડિયા ઓછામાં ઓછા ત્રણ એવા ખેલાડી સાથે મેદાનમાં ઊતરી રહી છે, જે વિશ્વકપના ફાઇનલ-૧૫માં જરૂર હશે. આજથી લઈને વિશ્વકપ સુધી ભારત પાસે પોતાની તૈયારીઓ, ટીમ કોમ્બિનેશન તપાસવા માટે લગભગ ૧૨ વન ડે મેચ છે. વિન્ડીઝ સામેની શ્રેણીમાં ટીમ ઇન્ડિયાની નજર બેકઅપ ફાઇનલ કરવા પર પણ રહેશે. આજે પ્રથમ વન ડે ભારતીય સમય અનુસાર સાંજે ૭.૦૦ વાગ્યાથી શરૂ થશે. શ્રેણીની બધી મેચ ડીડી સ્પોર્ટ્સ પર જોવા મળશે.