કાગળ પર ‘ગરીબ' બનેલા અમીરોનો પર્દાફાશ RTE હેઠળ લીધેલા ૧૪૦ એડમિશન રદ કરાયાં

સ્કૂલો દ્વારા ડીઈઓને લેખિતમાં ફરિયાદ થઈ હતી, જેતા હિયરિંગમાં હકીકત સામે આવી

ગરીબ અને મધ્યમ વર્ગનાં બાળકો સારી સ્કૂલમાં ભણી શકે તે માટે રાજ્ય સરકાર દ્વારા રાઇટ ટુ એજ્યુકેશન એક્ટ હેઠળ પ્રવેશ આપવામાં આવતો હોય છે પરંતુ કેટલાક પૈસાદાર માતા- પિતાની ખોરી નિયતના કારણે ગરીબ બાળકો સારી સ્કૂલમાં ભણી શકતાં નથી. પૈસાદાર વાલીઓ પોતાનાં બાળકોને મફતમાં શિક્ષા મળે તે માટે કાગળ પર ગરીબ બની જાય છે અને બાદમાં આરટીઇ હેઠળ પ્રવેશ મેળવી લેતા હોય છે. લખપતિ અને કરોડપતિ વાલીઓએ ખોટી આવકના પુરાવા ઊભા કરીને આરટીઇ હેઠળ એડમિશન લઇ લીધાં હતાં. ૧૪૦ વિદ્યાર્થીનાં માતાપિતાએ આવકના ખોટા પુરાવા ઊભા કરીને એડ્મિશન લેતાંની સાથે જ જિલ્લા શિક્ષણાધિકારીએ તપાસ કરી હતી અને બાદમાં તમામનાં એડ્મિશન રદ કરી દીધાં છે. માતા- પિતાની ભૂલના કારણે વિદ્યાર્થીઓએ શાળા બદલવી પડશે અથવા તો તે સ્કૂલમાં ભણવા માટે ફી ભરવી પડશે.