உலக வணிகத்தில் அடுத்த திருப்பம்: மூத்த அமைச்சர் லீ

அதிகரித்துவரும் உத்திபூர்வ பதற்றத்துக்கும் நிச்சயமற்ற கொள்கைக்கும் இடையே அனைத்துலக வணிகம் மொத்த உள்நாட்டு உற்பத்திக்கு ஈடுகொடுத்து வளரும் என்று நினைத்துவிட முடியாது என்று மூத்த அமைச்சர் லீ சியன் லூங் கூறியுள்ளார்.

வணிகத்துக்கும் உள்நாட்டு உற்பத்திக்கும் இடை மொத்த யிலான விகிதம் சரியும்போது கடுமையான பொருளியல், உத்திபூர்வ பாதிப்புகள் ஏற்படும் என்றும் பல நாடுகளின் பொருளியல் வளர்ச்சியை அது மட்டுப்படுத்தும் என்றும் திரு லீ சொன்னார்.

சிங்கப்பூர் கடல்துறை வாரத்தின் தொடக்கத்தில் நடைபெற்ற விரிவுரையில் மூத்த அமைச்சர் லீ பேசினார்.

பொருளியல் பாதிப்புகள் ஏற்பட்டால் இரண்டாம் உலகப் போருக்குப் பின் கண்டிராத புதிய காலகட்டத்தை உலகம் சந்திக்க நேரிடும் என்ற அவர், தற்போதைய தருணம் அடுத்த திருப்புமுனையாக அமையலாம் என்றார்.

எதிர்காலத்தில் எப்படிப்பட்ட நிச்சயமற்ற சூழலோ கலக்கமோ ஏற்பட்டாலும் உலக வணிகம் தொடர்ந்து வளரும் என்பது சிங்கப்பூரின் நம்பிக்கை என்றார் மூத்த அமைச்சர் லீ.