ஆரூரில் அரிய திருமேனிகள்

திருவாரூர் பூங்கோயி லில் பதிகம் பாடிய திருநாவுக்கரசு பெருமானார் “ஒருவனாய் உலகு ஏத்த நின்ற நாளோ” எனத் தொடங்கும் தேவாரப் பனுவலைப் பாடும் போது, ஆரூர் பெருமான் அங்கு கோயில் கொண்ட தொன்மையினைப் பலவாறு எடுத்துரைத்துள்ளார்.

- பாலசுப்ரமணியன்

"கோலம் நீ கொள்வதற்கு முன்னோ பின்னோ விழவு ஆரூர் கோயிலாகக் கொண்ட நாளே” - என்றும், "வேதத்தை விரிப்பதற்கு முன்னோ பின்னோ விழவு ஆரூர் கோயிலாகக் கொண்ட நாளே'' -என்றும் கூறுவதை ஆழ்ந்து நோக்கும் போது ஆரூர் திருக்கோயிலின் பழைமை எத்தகையது என்பதறியலாம். சேக்கிழார் பெருமான் பெரிய புராணத்தின் தொடக்கத்தில், திருவாரூர் நகரின் பெருமையினை எடுத்துக்கூறி அதன் நடுநாயகமாகத் திகழும் பூங்கோயிலினை, 

இணைய வகை அரநெறியில் எண்ணிறந்தோர்க்கருள் புரிந்து

முனைவரவர் மகிழ்ந்தருளப் பெற்றுடைய மூதூர்மேல்

புனையும் உரை நம்மளவில் புகலலாந் தகைமையதோ?

அனையதனுக்கு ககமலராம் அறவனார் பூங்கோயில்