ബാധ എന്നാൽ ജീവിതദുരിതങ്ങൾ

ഇടയാനത്തു പരമ്പരയിലെ മനോജ് നമ്പൂതിരി ഇല്ലത്തെ പാരമ്പര്യവും മാന്ത്രികവൈഭവങ്ങളും അൽപ്പാൽപ്പമായി പങ്കുവയ്ക്കകയാണ്.

- മനോജ് നമ്പൂതിരി (9447399499)

തിരുനെല്ലിയിൽ നിന്നും പന്തള പരമ്പരയുടെ തേവാരപൂജകൾക്കായി എത്തിയ മാന്ത്രിക പരമ്പരയാണ് ഇടയാനത്ത് ഇല്ലം. പന്തളത്തിനടുത്ത് പൂഴിക്കാട് എന്ന ദേശത്താണ് ഇടയാനത്ത് ഇല്ലക്കാർ ആദ്യം താമസിച്ചിരുന്നത്. പൂഴിക്കാട്ട് മഹാദേവന്റെ പൂജാരികളായിട്ടായിരുന്നു അവർക്ക് പന്തളരാജൻ നൽകിയ സ്ഥാനം. തിരുനെല്ലിയിൽ നിന്ന് എത്തിയ ഈ ബ്രാഹ്മണ പരമ്പര, തങ്ങളുടെ ആരാധനാമൂർത്തിയായ ശാസ്താവിനെ പൂഴിക്കാട്ട് ക്ഷേത്രമതിൽക്കകത്ത് കിഴക്ക് അഭിമുഖമായി പ്രതിഷ്ഠിച്ച് ആരാധനയും ആരംഭിച്ചു. തെക്കൻ കേരളത്തിലെ എണ്ണപ്പെട്ട മാന്ത്രിക പരമ്പരയിൽ പ്രമുഖരാ യിരുന്നു ഇടയാനത്ത് ബ്രാഹ്മണ പരമ്പര. എത്ര ബാധാ ബാധിതരായാലും ഇടയാനത്തെ പടികടന്ന് ചെന്നാൽ ബാധ താനേ ഒഴിഞ്ഞുമാറും എന്നുപോലും വിശ്വസിച്ചിരുന്നു. ഇടയാനത്തു പരമ്പരയിലെ മനോജ് നമ്പൂതിരി ഇല്ലത്തെ പാരമ്പര്യവും മാന്ത്രികവൈഭവങ്ങളും അൽപ്പാൽപ്പമായി പങ്കുവയ്ക്കകയാണ്.