ഭക്തി ഒരു നിമിത്തം

നമ്മുടെ ക്ഷേത്രങ്ങളിൽ വിവിധങ്ങളായ ഒട്ടനവധി ആചാരങ്ങളാണ് നിലവിലുള്ളത്. ഇവയിൽ പലതും ഒറ്റനോട്ടത്തിൽ അനാവശ്യം എന്നു തോന്നാമെങ്കിലും അവയ്ക്കൊക്കെയും പിന്നിൽ വ്യക്തമായ ശാസ്ത്രീയത അടങ്ങിയിട്ടുണ്ടെന്നുള്ളതാണ് വാസ്തവം.

- പി. ജയചന്ദ്രൻ

പുരുഷന്മാർ മേൽവസ്ത്രം ധരിച്ച് ക്ഷേത്രങ്ങളിൽ പ്രവേശിക്കുവാൻ പാടില്ല എന്നാണല്ലോ പറയാറുള്ളത്. അതേ സമയം സ്ത്രീകൾക്ക് ബ്ലൗസ് ധരിക്കുകയും ചെയ്യാം. ഇതിലൊരു വൈരുദ്ധ്യമില്ലേ എന്നു ചോദിച്ചാൽ മേൽപ്പറഞ്ഞതു പോലെ ഒറ്റനോട്ടത്തിൽ വൈരുദ്ധ്യം ഉണ്ട്. എന്നാൽ എന്തിനാണ് അങ്ങനൊരു ആചാരം വച്ചിരിക്കുന്നതെന്നുള്ളത് ശാസ്ത്രീയമായി അപ് ഗ്രഥിച്ചാൽ ആ ആചാരം അപ്പാടെ ശരിയാണെന്ന് കാണാം. അതിന് ക്ഷേത്രത്തെ പറ്റി അൽപ്പം വിശദീകര ണവും ആവശ്യമാണ്.

"ഇദം ശരീരം കൗന്തേയ
ക്ഷേത്രമിത്യഭിധയതെ "

എന്നാണ് ഗേവത്ഗീതയിൽ ഭഗവാൻ ശ്രീകൃഷ്ണൻ പറഞ്ഞിട്ടുള്ളത്. അതായത് ശരീരം ആയ ചൈതന്യം വഹിക്കുന്ന ക്ഷേത്രവിഗ്രഹം പോലെയും, ആത്മാവ് ഈശ്വര വിഗ്രഹത്തിലെ ചൈതന്യം പോലെയുമാണ്. മറ്റ് മതവിശ്വാസികളെ സംബന്ധിച്ചിടത്തോളം അവരുടെ ആരാധനാലയങ്ങൾ പ്രാർത്ഥിക്കാനോ സ്തുതിക്കാനോ അപേക്ഷിക്കുവാനോ ഉള്ള ആലയങ്ങൾ മാത്രമാകുമ്പോൾ, ഹിന്ദുക്കൾക്ക് ക്ഷേത്രദർശനം ഈശ്വര വിഗ്രഹത്തിൽ നിന്ന് പ്രവഹിക്കുന്ന ചൈതന്യം ഉൾക്കൊള്ളാനുള്ളതാണ്. ജീവചൈതന്യം പ്രസരിക്കുന്ന മനുഷ്യ ശരീരം പോലെയാണ് ക്ഷേത്രങ്ങൾ.

ഈ പ്രപഞ്ചം മുഴുവൻ പഞ്ചേന്ദ്രിയങ്ങൾക്കും അതീതമായ ചില ഊർജ്ജസ്രോതസ്സുകൾ നിറഞ്ഞുനിൽക്കുന്നുണ്ട്. അനുഭവത്തിൽ നിന്നുമാത്രമേ അത് മനസ്സിലാക്കുവാൻ സാധിക്കുകയുള്ളൂ.

ഉദാഹരണമായി ഒരു സ്വിച്ച് ഓൺ ചെയ്യുമ്പോൾ ഫാൻ കറങ്ങുകയോ ബൾബ് കത്തുകയോ ഒക്കെ ചെയ്യുന്നു. അവിടെ നാം വൈദ്യുതിയുടെ സാന്നിധ്യം മനസ്സിലാക്കുന്നു. എന്നാൽ നമ്മളാരും വൈദ്യുതി കണ്ടിട്ടുമില്ല. അതുപോലെ പ്രാണവായുവിനെയോ കാന്തികപ്രവാഹങ്ങളെയോ നാം കണ്ടിട്ടില്ല. അവയുടെ സാന്നിദ്ധ്യം അനുഭവങ്ങളിലൂടെ മനസ്സിലാക്കുകയാണ് ചെയ്യുന്നത്.

എന്തെങ്കിലും വിധത്തിൽ നമ്മുടെ കൈത്തണ്ടയിലെ എല്ല് പൊട്ടിയെന്നിരിക്കട്ടെ. അത് ചേർത്തുവച്ച് ബാൻഡേജ് ഇടുക മാത്രമേ വൈദ്യശാസ്ത്രത്തിന് ചെയ്യാനാകൂ. ഒരു ഡോക്ടർക്കും പൊട്ടിയ എല്ലുകൾ കൂട്ടിയോജിപ്പിക്കുവാൻ സാധിക്കുകയില്ല. എന്നാൽ ക്രമേണ പൊട്ടിയ എല്ലുകൾ സ്വയം യോജിച്ച് പൂർവ്വസ്ഥിതി പ്രാപിക്കുന്നത് കാണാം. ഈ മാന്ത്രിക ശക്തി എവിടെ നിന്ന് കിട്ടി? സൂര്യൻ കൃത്യമായി കിഴക്കുദിക്കുന്നു. പടിഞ്ഞാറ് അസ്തമിക്കു ന്നു. സൗരയൂഥങ്ങൾ അവയുടെ നിശ്ചിത പരിധിക്കുള്ളിൽ കറങ്ങിക്കൊണ്ടേയിരിക്കുന്നു. ഏത് ശക്തിയാണ് ഇത്രയും കൃത്യ മായി ഈ പ്രവർത്തനങ്ങളെ നിയന്ത്രിക്കുന്നത്? ഉത്തരം മുട്ടുമ്പോൾ നാം സാധാരണ പറയുന്ന ഒരു വാക്കുണ്ട്.