അണ്ണാമലയും കാർത്തികദീപവും

ഈശ്വരൻ ജ്യോതിസ്വരൂപനായി അനുഗ്രഹം വർഷിക്കുന്ന അണ്ണാമലയെ ഗിരിവലം വയ്ക്കുന്നത് പല തലമുറകൾക്ക് പുണ്യഫലമേകുന്നു.

- അജയ്കുമാർ

ഭഗവാൻ മഹാവിഷ്ണു മാസങ്ങളിൽ താൻ വൃശ്ചികമാണെന്ന് പറയുന്നതിൽ നിന്നുതന്നെ ഈ മാസത്തിന്റെ സവിശേഷത ബോധ്യമാവുന്നു. ഈ സവിശേഷതയ്ക്ക് ഒരു കാരണമുണ്ട്. സർവ്വഗ്രഹങ്ങൾക്കും ശക്തിയേകുന്നവനാണ് സൂര്യൻ. ഗ്രഹങ്ങളുടെ ചക്രവർത്തിയായ സൂര്യൻ തുലാം രാശിയെ കടക്കുന്ന തുലാം മാസത്തിൽ സൂര്യന്റെ ബലം ക്ഷയിക്കുന്നു. ആ ബലക്കുറവിനെ ജ്യോതിഷം "നീചം' എന്നുപറയുന്നു. തുലാരാശിയിൽ നിന്നും വൃശ്ചികരാശിയിൽ പ്രവേശിക്കുന്ന ഉടൻതന്നെ ആ ബലഹീനത സൂര്യനിൽ നിന്നും അകലുകയും ചെയ്യുന്നു. അതുകൊണ്ടാണ് വൃശ്ചകമാസ(കാർത്തികത്തിനും സവിശേഷത വർദ്ധിക്കുന്നത്.

ജ്യോതിഷത്തിൽ വ്യാഴം(ഗുരു) തുലാത്തിൽ നിന്നും വൃശ്ചികത്തി ലേയ്ക്ക് പ്രവേശിച്ച് സഞ്ചരിക്കുന്ന കാർത്തിക(വൃശ്ചിക) മാസത്തിന്റെ പ്രത്യേകതയെക്കുറിച്ചും വിവരിക്കപ്പെടുന്നുണ്ട്.