സൂക്ഷ്മസ്ഥലതലങ്ങളിലെ പൂർണ്ണാർത്ഥം

ഈശ്വരൻ ഉൾക്കൊണ്ട പ്രസാദം ഒട്ടുമേ അളവു കുറയാതെ നാമെല്ലാം പ്രസാദം പോലെ ഏറ്റുകൊള്ളുന്നു.

- സംഗീത മധു

ഗുരുകുലത്തിൽ വിദ്യാർത്ഥിയുടെ ഏത് വിധ സംശയങ്ങളും ദൂരീകരിക്കാൻ സാമർത്ഥ്യമുള്ളവരായിരുന്നു പല ഗുരുക്കന്മാരും. അങ്ങനെയുള്ള ഗുരുകുലത്തിൽ ഒരു വിദ്യാർത്ഥി ഗുരുവിനോടൊരു സംശയം ചോദിച്ചു.

"ഗുരോ.. നമ്മൾ തയ്യാറാക്കുന്ന നൈവേദ്യം എങ്ങനെയാണ് ഭഗവാൻ ഭക്ഷിക്കുന്നത്? ഭഗവാൻ കഴിച്ചുകഴിഞ്ഞാൽ പിന്നെ എങ്ങനെ അത് പ്രസാദമായി കരുതനാവും. ഭക്തർക്ക് വിതരണം ചെയ്യാനാകും?

ഗുരു മറുപടി ഒന്നും നൽകാതെ ഏറേനേരം ആ ശിഷ്യനെ തറപ്പിച്ച് നോക്കിക്കൊണ്ടിരുന്നു. പിന്നെ കടുത്ത സ്വരത്തിൽ പറഞ്ഞു

"വേദാന്ത അധ്യയനത്തിന് സമയമായി. അതിനുള്ള ഒരുക്കങ്ങൾ ആരംഭിക്കുക. അൽപ്പസമയത്തിനുള്ളിൽ ഞാനും അവിടെ എത്തിച്ചേർന്നോളാം.