പിടക്കോഴി കൂവുന്ന കാലം

ആൺകുട്ടികൾക്ക് പെണ്ണ് കിട്ടുന്നില്ല.- ജനസംഖ്യാടിസ്ഥാനത്തിൽ ആണും പെണ്ണും തമ്മിലുള്ള റേഷ്യോ വലിയ വ്യത്യാസമില്ല

- ശങ്കരാടിൽ മുരളി 9074507663

ആൺകുട്ടികൾക്ക് പെണ്ണ് കിട്ടുന്നില്ല.- ജനസംഖ്യാടിസ്ഥാനത്തിൽ ആണും പെണ്ണും തമ്മിലുള്ള റേഷ്യോ വലിയ വ്യത്യാസമില്ല. വിദ്യയുണ്ട് തൊഴിലുണ്ട് ധനസ്ഥിതിയുണ്ട്. ജാതകം നോക്കുമ്പോൾ പാപസാമ്യം, പൊരുത്തം, ദശാസന്ധി, ഷഷ്ഠാഷ്ടമം, അഞ്ചാം കൂറ് ഇവയെല്ലാം ഹരിച്ചു പെരുക്കി ചേർത്ത് കഴിഞ്ഞാലും പെൺകുട്ടികൾ അകന്നുപോകുന്നു. 28 വയസ്സായ പെൺകുട്ടി പറയുന്നു. വിവാഹത്തിന് സമയമായില്ല- ആവുമ്പോൾ പറയാം. പണ്ട് പെണ്ണ് പുരനിറഞ്ഞു നിന്നാൽ വീട്ടുകാരുടെ ആധിയും വ്യാധിയും ആണ്. എന്താണിതിന് കാരണം. ഒന്നാമതായി പെൺകുട്ടികളുടെ വിദ്യാഭ്യാസ നിലവാരം. രണ്ട് സോഷ്യൽമീഡിയകളിലൂടെ യൂട്യൂബിലൂടെ വരുന്ന ദാമ്പത്യത്തെയും സെക്സിനെയും കുറിച്ചുള്ള തെറ്റായ അവബോധ പ്രചരണം. സൈക്കോളജിസ്റ്റുകൾ ചമഞ്ഞും, ആക്ടിവിസ്റ്റ് വേഷം കെട്ടിയും ഇവർ നൽകുന്ന ഉപദേശങ്ങൾ വിപരീത ഫലമാണ് നൽകുന്നത്. പ്രീമാരീഡ് സെക്സ് ഒരു ആവശ്യവസ്തുവാണെന്ന് ശക്തിയുക്തം വാദിക്കുന്ന, ഒരു ക്ലിനിക്കൽ സൈക്കോളജിസ്റ്റും, ആക്ടിവിസ്റ്റും അഴിച്ചുവിടുന്ന പ്രോത്സാഹനം ചെറുതല്ല. അവർക്ക് ലഭിക്കുന്ന വ്യൂ നമ്പറും, ലൈക്കുകളും തന്നെ തെളിവുകൾ. തദ്വാര ഇവ നേടുന്നത് ലക്ഷങ്ങൾ. ഗാന്ധിജിയും ബുദ്ധനും അവതരിച്ച ലോകത്ത് താനൊരാൾ വിചാരിച്ചാൽ നാട് നന്നാവുമോ എന്നതാണ് ചിന്ത. മതനിയമങ്ങൾ കർശനമായി പാലിക്കുന്ന, ചില സമുദായത്തെ പറ്റിക്കാൻ, അവരിൽപ്പെട്ട ആളാണെന്ന് തെറ്റിദ്ധരിപ്പിക്കുന്ന പേരുകളും, വസ്ത്രധാരണവും നടത്തി ഉപദേശം ചൊരിയുന്ന അനേകം കഥാപാത്രങ്ങൾ യൂ ട്യൂബിലുണ്ട്. ഇവിടെ നിയന്ത്രണമില്ല. ആരും ചോദിക്കില്ല.