இது சோஷியல் மீடியா ஸ்டார் காலம்!

‘லைகர்' படத்தின் மூலம் தென்னக சினிமாவில் நுழைந்த அனன்யா பாண்டே, பாலிவுட்டில் இப்போது முன்னணி நடிகை.

- தவா

திரைத்துறையில் கால் பதித்த 5 ஆண்டுகளுக்கு பிறகு இப்போது தான் தனக்கு ஹிட் படங்கள் கிடைத்திருக்கு என கூறுகிறார். தமிழில் அறிமுகமாக தக்க வாய்ப்பை எதிர்நோக்கி காத்திருக்கும் அவருடன் ஒரு அழகிய உரையாடல்.

சமீபகாலமா உங்க படங்களுக்கு கிடைக்கும் வரவேற்பு பற்றி?

மக்கள் என்னை ஒரு நடிகையா ஏத்துக்கிட்டாங்கன்னு நம்புறேன். 20 வயதில் இருந்தே சினிமாவில் ஒரு நிலையான இடத்தைப் பிடிக்க போராடிட்டு இருக்கேன். கடினமான காலகட்டத்தைத் தாண்டி இப்போ கம்பேக் கொடுத்திருக்கேன்.

சினிமாவைத் தாண்டி தனிப்பட்ட வாழ்க்கையிலும் நான் அதிக கவனம் செலுத்துவேன். பொதுவா எனக்கு எது சவுகரியமா இருக்கோ அதைத் தான் நான் பாலோ பண்ணுவேன்.

தனிப்பட்ட முறையில் உங்க குணாதியசம் எப்படி?

ஒ ரு நடிகையா நான் தொடர்ந்து என் திறமைகளை மேம்படுத்திட்டு இருக்கேன். இதுக்கு முன்னாடி எனக்கு அவ்வளவு மன உறுதியோ, தன்னம்பிக்கையோ இருந்ததில்ல. ஒரு பார்ட்டிக்கு கூட நான் தனியா போக மாட்டேன். பல நேரங்களில் நிறைய விஷயங்களை ரொம்ப யோசிச்சு யோசிச்சு பைத்தியம் பிடிக்குற மாதிரி ஆகிடும். என் மூளைக்குள்ள எப்போவும் பல எண்ணங்கள் ஓடிட்டே இருக்கும். சின்ன அளவில் ஏதோ சாதிச்ச பீல் இருக்கும். ஆனா, இது போதும்'ன்னு மனநிறைவு அடையுற டைப் நான் இல்ல. ஸ்கூல் படிக்கும் போது கூட எப்போவும் முன்வரிசையில் உட்கார்ந்துட்டு போராட்ட குணத்தோடவே இருப்பேன்.

திரைத்துறையில் ஏற்பட்டிருக்கும் மாற்றம் பற்றி?