അന്ന പാവ്ലോവ

ഇതിഹാസത്തിലെ സ്ത്രീകൾ

- കണക്കൂർ ആർ. സുരേഷ്കുമാർ

ഇരുപതാം നൂറ്റാണ്ടിന്റെ ആരംഭത്തിൽ ഏറെ പ്രശസ്തി നേടിയ റഷ്യൻ ബാലെ നർത്തകിയാണ് അന്ന പാവ്ലോവ. "ദി ഡൈയിം ഗ് സ്വാൻ' എന്ന അവളുടെ നൃത്തം ട്യൂബിലൂടെ ഇപ്പോഴും നിരവധി പേർ കണ്ടുകൊണ്ടിരിക്കുന്നു 1881-ൽ സെന്റ് പീറ്റേഴ്സ്ബർഗിലാണ് അന്ന് പാവ്ലോ  ജനിച്ചത്. അന്നയുടെ ജനനത്തിന് ശേഷമാണ് അവളുടെ മാതാപിതാക്കൾ വിവാഹിതരാകുന്നത്. മാസം തികയുന്നതിനു മുമ്പ് പ്രസവിച്ച കുട്ടി ആയതിനാൽ ബാലാരിഷ്ടതകൾ ആ കുട്ടിയെ വേട്ടയാടിയിരുന്നു. തുടർന്ന് അവളുടെ സംരക്ഷണം മുത്തശ്ശി ഏറ്റെടുത്തു. ഒരു തിയേറ്ററിൽ സ്ലീപ്പിങ് ബ്യൂട്ടി എന്ന ബാലെ കണ്ടപ്പോൾ ആ കലാരൂപത്തോട് അവൾക്ക് അടങ്ങാത്ത അഭിനിവേശം തോന്നി. അങ്ങനെ ഒമ്പതാം വയസ്സിൽ അവളെ അമ്മ പ്രശസ്തിയേറിയ ഇംപീരിയൽ ബാലെ സ്കൂളിൽ ഒഡിഷന് കൊണ്ടുപോയി. എന്നാൽ ചെറുപ്രായവും രോഗാതുര രൂപവുമൊക്കെ കാരണം അവൾക്ക് പ്രവേശനം ലഭിച്ചില്ല. എന്നാൽ അടുത്തവർഷം അവൾ വീണ്ടും ശ്രമിച്ചു. അങ്ങനെ അവൾക്ക് പത്താം വയസ്സിൽ ബാലെ പഠനം തുടങ്ങാൻ കഴിഞ്ഞു.