ജീവിതമെന്ന പരീക്ഷ

കഥയും കാര്യവും

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

ജീവിതമെന്ന് പറയുന്നത് ഒരു പരീക്ഷയാണ്. ജീവിതമൊരു പരീക്ഷണമാണ്. എന്ന് മുതിർന്നവർ പറയുന്നത് കൂട്ടുകാർ ചിലപ്പോഴെങ്കിലും കേട്ടുകാണും. ജീവിതപരീക്ഷയിൽ വിജയിക്കുന്നവരാണ് സമർഥർ. നീതിബോധത്തിലൂന്നിയ ജീവിതവിജയം മഹാപുരുഷന്മാരെത്തന്നെ സൃഷ്ടിക്കുന്നു. സ്വയം കണ്ടു പഠിക്കുകയും പ്രപഞ്ചത്തെ പഠിക്കുകയും നന്മകൾ മാത്രം അതിൽ നിന്നു സ്വാംശീകരിക്കുകയും, സ്വമേധയാ പാതകൾ വെട്ടിത്തുറക്കുകയും അത് സമൂഹത്തിനുതന്നെ പ്രയോജനപ്പെടുത്തുകയും ചെയ്യുമ്പോഴാണ് ജീവിതപരീക്ഷയിൽ നാം വിജയിക്കുന്നത്.

മറ്റുള്ളവരെ അന്ധമായി അനുകരിക്കുകയോ, നമുക്ക് അനർഹമായത് അപഹരിക്കുകയോ ചെയ്യുന്നതല്ല ജീവിതപരീക്ഷ. ആത്മബോധനപരമായ പഠനമാണ് അതിന്റെ വിജയരഹസ്യം.