കൊറോണയിൽ തെളിഞ്ഞ ചിത്രങ്ങൾ

വഴിത്തിരിവ് ശ്രീജിത്ത് വിശ്വനാഥൻ

- ഉമ ആനന്ദ്

വിട്ടാലും വിടാത്ത കമ്പിളിക്കെട്ട് ഒഴിയാ ബാധ എന്നീ ചൊല്ലുകൾ അർത്ഥമാക്കുന്നത് ഉപേക്ഷി പറ്റാത്തത് അഥവാ ഉപേക്ഷിച്ചാലും പുറകെ വരുന്നത് എന്നൊക്കെയാണ്.

ജൻമനാ വരദാനം ലഭിച്ച കലാകാരന്മാർക്ക് കാലമെത്ര കഴിഞ്ഞാലും മൂടി വച്ച സർഗവാസന പുറത്ത് വരിക തന്നെ ചെയ്യും. എറണാകുളം ശിവ ക്ഷേത്രത്തിലെ കൈസ്ഥാനികനായ ശ്രീജിത്ത് വിശ്വനാഥൻ മൂന്നുതവണ വരയ്ക്ക് അവധി കൊടുത്തതാണെങ്കിലും നാലാമതും വര തുടങ്ങിയത് വര തലവരയായതു കൊണ്ടു തന്നെയാണ് പന്ത്രണ്ടോളം ക്ഷേത്രങ്ങളിൽ ചുവരുകളിൽ ചിത്രം പ്രദർശിപ്പിച്ച വര ഒരു വരപ്രസാദമായി കാണുന്ന ശ്രീജിത്ത് വിശ്വനാഥൻ വര വന്ന വഴികൾ പങ്കു വയ്ക്കുന്നു കൊറോണക്കാലം കൊണ്ട് പലർക്കും പലതും സംഭവിച്ചപ്പോൾ എനിക്ക് സംഭവിച്ചത് എന്നിൽ ഒളിച്ചിരുന്ന ചിത്ര കല പുറത്തുവന്നു എന്നതാണ്. പണ്ടേ വരയ്ക്കുമായിരുന്ന ഞാൻ അതിന് വിരാമമിട്ടതാണ്. എന്നാൽ വീണ്ടും തുടക്കം കുറിപ്പിച്ചത് കൊറോണക്കാലമായിരുന്നു.

ജനിച്ച് വളർന്നതും പഠിച്ചതും എല്ലാം എറണാകുളത്ത് തന്നെ. അച്ഛൻ വിശ്വനാഥൻ, അമ്മ സതി. എനിക്കൊരു സഹോദരിയും കൂടിയുണ്ട് ശ്രീവിദ്യ. കുഞ്ഞുനാൾ മുതലേ വരച്ചു തുടങ്ങി എന്നാണ് ഓർമ്മ. അന്ന് ആരും പഠിപ്പിച്ചിട്ടില്ല.