ഹൃദയശുദ്ധി എന്ന യോഗ്യത

ജീവിതം ശാന്തിപൂർണ്ണമായി നിലനിൽക്കുവാൻ ഹൃദയശുദ്ധിയാ ണ് ആവശ്യം. വൃത്തികെട്ട ശരീരം കൊണ്ട് എങ്ങനെയൊക്കെയാ ണോ തനിക്കും മറ്റുള്ളവർക്കും ദോഷമുണ്ടാവുക, അതിലുപരിയാണ് ശുദ്ധികെട്ട മനസ്സുകൊണ്ട് സമൂഹത്തിനുണ്ടാകുന്ന ദോഷങ്ങൾ.

- അമ്പലപ്പുഴ രാജഗോപാൽ

പ്രിയമുള്ള കൂട്ടുകാരെ,

ജീവിതത്തിൽ ഒരു യോഗ്യതയൊക്കെ ഉണ്ടാകണമെന്ന് മുതിർന്നവർ പറയുന്നത് നാം കേട്ടിട്ടുണ്ടാവും. എന്നാൽ ഈ യോഗ്യത എന്ന് പറയുന്നത് വില കൂടിയ വസ്ത്രങ്ങൾ അണിയുന്നതോ ഏറെ ആഭരണങ്ങൾ ധരിക്കുന്നതിലോ ആർഭാടങ്ങൾ കാണിക്കുന്നതിലോ ആണ് എന്നു ധരിക്കരുത്.

മറ്റുള്ളവരുടെ മുന്നിൽ തനിക്ക് യോഗ്യത കൽപ്പിക്കുന്നത് ബാഹ്യമായ പ്രകടനങ്ങളാണെന്ന് ചിന്തിക്കുന്നത് എത്ര ബുദ്ധിശൂന്യതയാണ്. എന്നുമാത്രമല്ല; അത് നമ്മെ മറ്റുള്ളവരുടെ മുമ്പിൽ പരിഹാസപാത്രമാക്കുകയും ചെയ്യും.

സിക്ക് സമൂഹത്തിലെ നാലാമത്തെ ഗുരുവിന് അനേകം ശിഷ്യന്മാരുണ്ടായിരുന്നു. അവരെല്ലാവരും ഏറെ ബുദ്ധിമാന്മാരും വിജ്ഞാനപരമായ വാദപ്രതി വാദങ്ങളിൽ അസാമാന്യമായ പ്രാവീണ്യം നേടിയവരുമായിരുന്നു.