സുദേഷ്ണ

ബുദ്ധിമതിയായ സുദേഷ്ണ അതിനുള്ള പദ്ധതി തയായാക്കി. ഒരു വാവുദിവസം കീചകൻ ചോറും കറികളും മദ്യവും തയാറാക്കി വയ്ക്കണമെന്നും, അവ കൊണ്ടുവരാൻ കീചകന്റെ അടുക്കലേക്ക് സൈരന്ധിയെ അയയ്ക്കുമെന്നും സുദേഷ്ണ സഹോദരനെ അറിയിച്ചു. അതനുസരിച്ച് കീചകൻ ഭക്ഷണവും മദ്യവും തയാറാക്കി വച്ചു.

- കണക്കൂർ ആർ. സുരേഷ്കുമാർ

മത്സ്യരാജാവായ വിരാടന്റെ പത്നിയും വിരാടരാജ്യത്തെ മഹാറാണിയുമായിരുന്നു സുദേഷ്ണ. ചിത്ര എന്ന് സുദേഷ്ണയ്ക്ക് മറ്റൊരു പേരുണ്ടെന്ന സൂചനയും പുരാണങ്ങളിലുണ്ട്. സൂതരാജാവായ കേകേയന് മാളവി എന്ന രാജ്ഞിയിൽ കീചകനും കീചകന്റെ അനുജൻമാരായി ഉപകീചകൻമാരും പിന്നെ സുദേഷ് എന്ന പുത്രിയും പിറന്നു. സുദേഷ്ണ പിന്നീട് വിരാടന്റെ ഭാര്യയായി. വിരാടന്റെ ആദ്യഭാര്യ സുരഥ മരിച്ചശേഷമാണ് സുദേഷ്ണയെ വിവാഹം കഴിച്ചത്. അവർക്ക് ഉത്തര എന്ന ഒരു പുത്രിയുണ്ടായി.

കൗരവരോട് ചൂതുകളിയിൽ പരാജയപ്പെട്ട പാണ്ഡവർ വ്യവസ്ഥയനുസരിച്ച് പന്ത്രണ്ടു വർഷങ്ങൾ വനവാസവും തുടർന്ന് ഒരു വർഷം അജ്ഞാത വാസവും ചെയ്യണമായിരുന്നു. വനവാസത്തിനു ശേഷം അവരുടെ അജ്ഞാത വാസക്കാലത്താണ് സുദേഷ്ണയുടെ പ്രാധാന്യം മഹാഭാരതത്തിൽ വരുന്നത്.