കുടുംബമാകട്ടെ നമ്മുടെ ലഹരി

കുടുംബത്തെ ലഹരിയാക്കി മാറ്റി അവരോടൊത്ത് സന്തോഷകരമായി ജീവിക്കുക.

- സായി രാജലക്ഷ്മി, ചെറുശ്ശേരി മന

കൊല്ലം എസ്.എൻ.കോളേജിൽ പഠിക്കുമ്പോൾ എക്‌സൈസിൽ  ജോലി ചെയ്യാനുള്ള ആഗ്രഹം മൂലം എക്സൈസ് ഡിപ്പാർട്ടുമെന്റിലേക്ക് വന്ന വ്യക്തിയാണ് ഇപ്പോഴത്തെ കൊല്ലം ഡെപ്യൂട്ടി എക്സൈസ് കമ്മീഷണറായ ബി. സുരേഷ്. ജോലി യോടുള്ള ഇഷ്ടവും, കഠിനാദ്ധ്വാനം ചെയ്യാനുള്ള മനസ്സുമാണ് അദ്ദേഹത്തിന് തന്റെ കരിയറിൽ ഏറെ നേട്ടങ്ങൾ കൈവരിക്കാനായത്.

 2008 ലും, 2012 ലും വിശിഷ്ട സേവനത്തിനുള്ള കേരള മുഖ്യമന്ത്രിയുടെ സ്വർണ്ണമെഡലുകൾ നേടിയ അദ്ദേഹം മറ്റനവധി പുരസ്കാരങ്ങളും അവാർഡുകളും നേടിയിട്ടുണ്ട്. അമൃത ടി.വിയുടെ ഒരു പരിപാടിയിൽ നടൻ ഭരത് മോഹൻലാൽ അദ്ദേഹത്തെ ആദരിച്ചിരുന്നു.

കൊല്ലം പരവൂർ നെടുങ്ങോലം സ്വദേശിയായ അദ്ദേഹത്തിന്റെ ഭാര്യ ഗീത സുരേഷും, ഈയിടെ വിവാഹിതയായ മകൾ ഐശ്വര്യാസുരേഷും, മകൻ ഭരത് സുരേഷും, മരുമകൻ വ്യാസ് സുരേഷും അടങ്ങുന്നതാണ് കുടുംബം.

മയക്കുമരുന്നുൾപ്പെടെയുള്ള ലഹരി പദാർത്ഥങ്ങൾ ഉപയോഗിച്ചാലുണ്ടാകുന്ന ദൂഷ്യഫലങ്ങളും, അവയിൽ നിന്നും രക്ഷനേടാനുള്ള മാർഗ്ഗങ്ങളും “മഹിളാരത്നം' വായനക്കാർക്കായി ബി.സുരേഷ് പങ്കുവയ്ക്കുന്നു....

ബി. സുരേഷ് പെട്ടെന്ന് പണം ഉണ്ടാക്കാനുള്ള ഒരു വഴിയായാണ് മയക്കുമരുന്ന് കച്ചവടത്തിലേക്ക് ആളുകൾ വരുന്നത്. മയക്കുമരുന്നിന്റെ കച്ചവടം കൂടുതലാവുമ്പോൾ ഇതിന്റെ ഉപയോഗവും കൂടുന്നു. മയക്കുമരുന്ന് കച്ച വടം ചെയ്യുന്ന മിക്കവർക്കും ഇതുപയോഗിച്ച് കഴിഞ്ഞാലുള്ള ദൂഷ്യഫലങ്ങൾ അറിയാം. പണം ഉണ്ടാക്കാനുള്ള എളുപ്പവഴിയായാണ് ഇവർ ഈ ബിസിനസ്സ് തുടങ്ങുന്നത്. ഇതു മറ്റുള്ളവരുടെ ജീവിതങ്ങൾ നശിപ്പിക്കുന്നു, നമ്മുടെ സമൂഹത്തെ നശിപ്പിക്കുന്ന ഇത്തരം ബിസിനസ് ആരും ചെയ്യരുത്.

എക്സൈസിൽ ഇതിനെതിരായി എന്തൊക്കെയാണ് ചെയ്യുന്നത്.