ജീവിതത്തിലേറ്റ മുറിവുകളാണ് എന്റെ വിജയരഹസ്യം

എന്റെ ആത്മഹത്യ പലരും ആഘോഷിക്കുമെന്ന പൂർണ്ണബോധ്യം എനിക്കുണ്ടായിരുന്നു.

- ഇന്ദു

 ഇന്ന് ഞാൻ ജീവിക്കുന്ന ജീവിതം പതിമൂന്ന് വർഷങ്ങൾക്ക് മുൻപ് ഡിസൈൻ ചെയ്ത ജീവിതമാണ്. ആത്മഹത്യ ചെയ്യാനുള്ള പല സാഹചര്യങ്ങളിലൂടെ കടന്നു പോയപ്പോഴും ഇവിടെ ഞാൻ ജീവിക്കണമെന്നത് എന്റെ മാത്രം വാശിയായിരുന്നു. ഇന്ന് ഞാൻ ഇവിടെ ഒരു ബിസിനസ് വുമണായി നിലനിൽക്കുന്നുണ്ടെങ്കിൽ അതിന് പിന്നിൽ സിനിമയെ വെല്ലുന്ന ജീവിതകഥയുണ്ട്. തൊഴിലാളിയായി കയറി കമ്പനിയുടെ ഉടമയായി നിൽക്കുന്ന അനു സോമരാജൻ താൻ പിന്നിട്ട വഴികളെക്കുറിച്ച് തുറന്ന് സംസാരിക്കുന്നു.

യെസ്, ഞാൻ ബിസിനസ്സ് വുമണാണ്

പ്ലസ് ടു കഴിഞ്ഞപ്പോൾ ഇനി എന്ത് ചെയ്യണമെന്ന് മറ്റുള്ളവർ ചിന്തിക്കുന്ന സമയത്തെല്ലാം ഞാൻ ഒരു ബിസിനസ്സുകാരിയാവുമെന്ന് ഉറപ്പിച്ചിരുന്നു. നമ്മുടെ എനർജിയും സമയവും ബുദ്ധിയുമെല്ലാം മറ്റൊരാളുടെ സ്ഥാപനത്തിനു വേണ്ടി കൊടുക്കാതെ അത് സ്വന്തം സ്ഥാപനത്തിനുവേണ്ടി കൊടുത്താൽ അവിടെ നമ്മുടെ സ്ഥാപനവും ഒപ്പം നമ്മളും വളരുമെന്ന ഫിലോസഫി പണ്ടേ  ഞാൻ സുഹൃത്തുക്കളോട് പറയാറുണ്ടായിരുന്നു. അതുകൊണ്ടുതന്നെ എന്റെ ഭാവി എന്തായിരിക്കണമെന്ന് എനിക്ക്  വ്യക്തമായ ധാരണയുണ്ടായിരുന്നു. ചെറിയ പ്രായത്തിൽ ജോലി ചെയ്തിരുന്ന സ്ഥാപനത്തിൽ പിന്നീട് പാർട്ട്ണര്ഷിപ്പിൽ എടുക്കുകയും ഇപ്പോൾ അതിന്റെ മുഴുവൻ ഓണർഷിപ്പിൽ എത്തിനിൽക്കുകയുമാണ്. നിലവിൽ ഞങ്ങൾ ചെയ്യുന്നത് വെൽത്ത് മാനേജ്മെന്റ് സർവ്വീസാണ്.

ഞാൻ ആത്മഹത്യ ചെയ്യില്ലെന്ന് എനിക്ക് ഉറപ്പുണ്ടായിരുന്നു