അന്ന് ആർ.ജെ ഇന്ന് അഭിനേത്രി

ഇപ്പോഴുള്ള ജീവിതം പൂർണ്ണമായി എൻജോയ് ചെയ്യുന്നുണ്ടെന്ന് പറഞ്ഞുകൊണ്ട് നിൽജ സംസാരിച്ചുതുടങ്ങി.

- ബിന്ദു പി.പി

നമ്മുടെ പ്രതീക്ഷകൾക്കപ്പുറമുള്ള ജീവിതം എന്ത് രസമായിരിക്കുമല്ലേ? നിൽജയുടെ ഇപ്പോഴുള്ള ജീവിതം പ്രതീക്ഷകൾക്കപ്പുറം നടന്ന ഒരു സംഭവമാണ്. എഫ്.എം പോലും കേൾക്കാത്ത കണ്ണൂരിലെ ആ പെൺകുട്ടി നമ്പർ വൺ എഫ്.എം സ്റ്റേഷനായ മിർച്ചിയിൽ വർഷങ്ങളോളം ജോലി ചെയ്തു.

സ്ക്രീനിൽ കണ്ട് ആരാധിച്ചിരുന്ന പല അഭിനേതാക്കളെ ഇന്റർവ്യൂ ചെയ്തു. ഒടുവിൽ ചെറുപ്പം മുതൽ എവിടെയോ ഉണ്ടായ ആ അഭിനയ മോഹവും സാധ്യമായി. തുടക്കക്കാരിയുടെ പതർച്ചയില്ലാതെ മുസ്തഫ സംവിധാനം ചെയ്ത കപ്പേളയിൽ അന്നബെൻ അവതരിപ്പിച്ച കഥാപാത്രത്തിന്റെ ചങ്ക് കൂട്ടുകാരിയായി തുടങ്ങി. ഫഹദ് ഫാസിൽ ചിത്രം മലയൻകുഞ്ഞ്, സെന്ന ഹെഗ്ഡേ സംവിധാനം ചെയ്ത 1744 വൈറ്റ് ആൾട്ടോ, തരുൺ മൂർത്തി ചിത്രം സൗദി വെള്ളക്ക തുടങ്ങി കഴിഞ്ഞ വർഷം ഇറങ്ങിയ ബെസ്റ്റ് സിനിമകളിൽ ശ്രദ്ധേയ വേഷങ്ങൾ ചെയ്ത സന്തോഷത്തിലാണ് നിൽജ തേരാണ് ഏറ്റവും ഒടുവിൽ റിലീസിന് എത്തിയ ചിത്രം. ഇപ്പോഴുള്ള ജീവിതം പൂർണ്ണമായി എൻജോയ് ചെയ്യുന്നുണ്ടെന്ന് പറഞ്ഞുകൊണ്ട് നിൽജ സംസാരിച്ചുതുടങ്ങി.

കണ്ണ് നനയിപ്പിച്ചല്ലോ സൗദി വെള്ളക്ക?