എഴുത്തിനോട് കമ്പമാണ്...- ഊർമിള ഉണ്ണി -

സിനിമ കുറഞ്ഞുവന്ന സമയത്താണ് ഞാൻ സീരിയലിൽ സജീവമായതെങ്കിലും രണ്ടു മേഖലയും എനിക്കേറെ പ്രിയപ്പെട്ടതാണ്.

- ശരത് സുബ്രഹ്മണ്യൻ

നടി, നർത്തകി, എഴുത്തുകാരി, ബിസിനസ് സംരംഭക തുടങ്ങി നിരവധി തലങ്ങളിൽ തന്റെതായ കയ്യൊപ്പ് പതിപ്പിച്ച കലാകാരിയാണ് ഊർമിള ഉണ്ണി. 1980 കാല ഘട്ടം മുതൽ മലയാളസിനിമയിൽ സജീവമായ ഊർമിള ഉണ്ണി നിരവധി കഥാപാത്രങ്ങൾ അവതരിപ്പിച്ച് ശ്രദ്ധ നേടിയെടുത്തിട്ടുണ്ട്. സിനിമയിൽ മാത്രമല്ല മിനിസ്ക്രീനിലും താരം വേഷങ്ങൾ നിരവധി കൈകാര്യം ചെയ്തു. 1992 ൽ പുറത്തിറങ്ങിയ സർഗ്ഗം എന്ന ചിത്രത്തിലെ സുഭദ്ര  തമ്പുരാട്ടി എന്ന കഥാപാത്രമായിരുന്നു ഊർമിളയ്ക്ക് മലയാള സിനിമയിലേക്കുള്ള വഴി തെളിച്ചുകൊടുത്തത്. പിന്നീടങ്ങോട്ട് വലുതും ചെറുതുമായ നിരവധി കഥാപാത്രങ്ങൾ താരത്തെ തേടിയെത്തി.

എഴുത്തും നൃത്തവും ബിസിനസുമായി താരം ഇപ്പോഴും തിരക്കിലാണ്. സോഷ്യൽ മീഡിയയിലും ആക്റ്റീവാണ് താരം. താര ത്തിന്റെ മകൾ ഉത്തര അഭിനേത്രിയും നർത്തകി യുമാണ്. തന്റെ പുതിയ വിശേഷങ്ങൾ പങ്കുവെക്കുകയാണ് ഊർമിള ഉണ്ണി.

അഭിനയവും നൃത്തവും ഒരു കാലത്ത് ഒരു പോലെ കൊണ്ടുപോയിരുന്ന കലാകാരിയെന്ന നിലയിൽ അഭിനയത്തോടാണോ നൃത്തത്തോടാണോ ഇപ്പോൾ ഏറ്റവുമധികം താൽപര്യം ?

 ഇത് രണ്ടുമല്ല, എനിക്ക് എഴുത്തിനോടാണ് കൂടുതൽ പ്രിയം. മകൾ ഡാൻസറായതുകൊണ്ട് നൃത്തപഠനത്തിന്റെ പൂർണ്ണതയിൽ എത്തിക്കാൻ അവളെ സഹായിക്കുക എന്നതാണ് ഡാൻസുമാ എന്റെ ഇപ്പോഴുളള ബന്ധം. എന്റെ നൃത്തം ജീവിതത്തിൽ എവിടെയോ വെച്ച് നിന്നു പോയി. വീണ്ടും ആരംഭിക്കണമെന്നുണ്ട്. പക്ഷേ ഉത്തര നൃത്തം ചെയ്യുന്നത് കാണുമ്പോഴാണ് ഞാനിപ്പോൾ കൂടുതൽ സന്തോഷവതിയാകുന്നത്.

ഊർമിള ഉണ്ണി എന്ന നടിക്കുള്ള ഇന്നത്തെ സിനിമാ അവസരങ്ങളെക്കുറിച്ചും ന്യൂജൻ സിനിമകളെക്കുറിച്ചുളള അഭിപ്രായവും