റൊമാൻസിന്റെ മാന്ത്രികത നിലനിൽക്കാൻ

താരതമ്യേന നിസ്സാരമെന്ന് നമുക്ക് തോന്നുമെങ്കിലും താഴെപ്പറയുന്ന കാര്യങ്ങൾ പ്രായോഗികതലത്തിൽ കൊണ്ടുവന്നാൽ പ്രതീക്ഷിക്കുന്നതിലേറെ സന്തോഷമാണ് കുടുംബത്തിലുണ്ടാവുക.

- പി.പി

കുടുംബ ജീവിതത്തിന്റെ വിജയത്തിൽ "റൊമാൻസിന് വലിയ സ്വാധീനമാണുള്ളത്. വിവാഹിതരായി ഒന്നോ രണ്ടോ വർഷങ്ങൾ കഴിയുമ്പോൾ റൊമാൻസിന്റെ കാന്തികശക്തി ഇല്ലാതാകുന്നു. ഭാര്യയുടെയും ഭർത്താവിന്റെയും തിരക്കുകളായിരിക്കാം ഇതിന് കാരണം. കുട്ടി പിറന്നു കഴിഞ്ഞാൽ അതിനെ വളർത്തുന്നതിനും മറ്റും കൂടുതൽ സമയം ചെലവഴിക്കേണ്ടി വരുന്നതും ഒരു കാരണമാകാം. സാമ്പത്തിക പ്രശ്നങ്ങളും, കുടുംബജീവിതത്തെപ്പറ്റിയുള്ള തെറ്റായ ധാരണകളും, നിസ്സാരങ്ങളായ പ്രശ്നങ്ങളുമെല്ലാം പരസ്പരം ഒന്നിപ്പിച്ചുനിറുത്തുന്ന റൊമാൻസിൽ നിന്ന് ദമ്പതികളെ അകറ്റുന്നു. വിവാഹത്തിന് മുമ്പ് വധുവും വരനും മനസ്സിൽ സ്വപ്നത്തിന്റെ ഒരു ലോകമാണ് കെട്ടിപ്പടുക്കുന്നത്. വിവാഹം കഴിഞ്ഞാൽ ജീവിതത്തിന്റെ യാഥാർത്ഥ്യം തിരിച്ചറിയുന്നു. ഈ യാഥാർത്ഥ്യവും സ്വപ്നസ ങ്കൽപ്പങ്ങളും തമ്മിലുള്ള അന്തരമാണ് വധൂവരന്മാരിൽ നിന്ന് റൊമാൻസ് ഇല്ലാതാക്കുന്നത്.

താരതമ്യേന നിസ്സാരമെന്ന് നമുക്ക് തോന്നുമെങ്കിലും താഴെപ്പറയുന്ന കാര്യങ്ങൾ പ്രായോഗികതലത്തിൽ കൊണ്ടുവന്നാൽ പ്രതീക്ഷിക്കുന്നതിലേറെ സന്തോഷമാണ് കുടുംബത്തിലുണ്ടാവുക.

സ്നേഹപൂർവ്വം ഒരു വാചകം

 ഭാര്യയും ഭർത്താവും ഒന്നോ രണ്ടോ വാചകങ്ങൾ സ്നേഹപൂർവ്വം പരസ്പരം പറഞ്ഞുനോക്കുക. പരസ്പരം പറയാൻ കഴിയില്ലെങ്കിൽ ഭാര്യ കാണത്തക്ക രീതിയിൽ തുണ്ടുകടലാസ് എഴുതിവയ്ക്കാം.

അപ്രതീക്ഷിത ഡിന്നർ