ജിബൂട്ടിയിലെ വിഷു ബെസ്റ്റ് വിഷു

ഈ വർഷവും വീട്ടിൽ അമ്മയ്ക്കും അച്ഛനും അനിയത്തിയുമായൊക്കെ വിഷു ആഘോഷമാക്കണം

- ബിന്ദു. പി.പി

കൊറോണ സമയത്ത് ജിബൂട്ടി സിനിമയുടെ ലൊക്കേഷനായ ജിബൂട്ടിയിൽ ഞങ്ങളുടെ ടീം കുടുങ്ങിനിന്നിരുന്നു. ആ സമയത്ത് ആഘോഷിച്ച വിഷു വളരെ സ്പെഷ്യലായിരുന്നു. സാധാരണ ആഘോഷിക്കുന്നതിൽ നിന്ന് വ്യത്യസ്തമായി പരിമിതികൾക്കുള്ളിൽ നിന്നുകൊണ്ടാണ് വിഷു ആഘോഷിച്ചത്. അവിടെ കണിക്കൊന്ന ഇല്ലാത്ത തുകൊണ്ട് മഞ്ഞനിറത്തിലെ കോളാമ്പിപ്പൂക്കൾ കൊന്നയ്ക്ക് പകരം എടുത്തു. ആ സിനിമയിലെ ഒരു ആർട്ടിസ്റ്റായി ഉണ്ടായിരുന്നു, അഞ്ജലി ചേച്ചി. ചേച്ചിയുടെ ഡയറിയുടെ പിന്നിലുണ്ടായ കൃഷ്ണന്റെ ചിത്രം കണികാണാനായി ഉപയോഗിച്ചു. ഫ്രിഡ്ജിൽ ഇരിക്കുന്ന ഫ്രൂട്ട്സെല്ലാം എടുത്തു. എല്ലാംകൊണ്ടും നല്ല രസമായിരുന്നു ആ വർഷത്തെ വിഷു. വീട് വിട്ടുനൽകുന്ന ആദ്യത്തെ വിഷുവും അതായിരുന്നു.

കുടുംബവീട്ടിലെ വിഷു