Women; Be Independent

സ്ത്രീകൾ എല്ലാ രീതിയിലും ഈക്വലാണ്

- ജി. കൃഷ്ണൻ

പെൺശക്തി വളരെ നല്ല രീതിയിൽ പുരോഗമിച്ചു കൊണ്ടിരിക്കുന്ന നാളുകളാണിത്. കുറെ സ്ഥലങ്ങളിൽ നമുക്കിനിയും പുരോഗമനം വേണം. ചില ആളുകളുടെ മൈൻഡ് സെറ്റിൽ ചില മാറ്റങ്ങളൊക്കെ ഇനിയും വരേണ്ടതുണ്ട്.

വരും തലമുറ ആ മാറ്റങ്ങൾക്കു വേണ്ടി പോരാടട്ടെ. ഇനിയും ഒരുപാടൊരുപാട് മാറ്റങ്ങളുണ്ടാകട്ടെ. നാടും നഗരവും നമ്മളുമെല്ലാം ഒരുപാട് പുരോഗതിയിലേക്കെത്തട്ടെയെന്ന് ഞാൻ ആഗ്രഹിക്കുകയാണ്. ഒരു ഇൻഡിപെൻഡന്റ് വുമൺ എന്ന രീതിയിൽ ഇനി വരുന്ന തലമുറയും ഇൻഡിപെന്റായിട്ട് മുന്നോട്ടു പോകട്ടെയെന്ന് എന്റെ ആഗ്രഹം.

മാർച്ച് 8 അടുത്തുവല്ലോ. അന്ന് വനിതാ ദിനം ആണ്. വനിതകൾക്കുവേണ്ടി ഈ ദിവസം ആഘോഷിക്കപ്പെടുന്നതിൽ വളരെ സന്തോഷമുണ്ട്. സ്ത്രീകൾ എല്ലാ രീതിയിലും ഈക്വലാണ്. അവർക്കും ഏത് കാര്യത്തിനും ഒരു റൈറ്റുണ്ട്, അവകാശമുണ്ട്. അതെല്ലാം ഓർമ്മപ്പെടുത്തുന്ന ഒരു ദിവസം കൂടിയാണല്ലോ മാർച്ച് 8.

സീരിയൽ നടി വിന്ദുജാ വിക്രമന്റെ വാക്കുകളായിരുന്നു മേലുദ്ധരിച്ചത്.

മാർച്ച് 8 വനിതാദിനമായതുകൊണ്ട് സീരിയൽ നടി ഗോപികയ്ക്കും പറയാനുണ്ടായിരുന്നു ഒരഭിപ്രായം.

"സ്വന്തം അഭിപ്രായങ്ങൾ പബ്ലിക്കിന്റെ മുന്നിൽ വളരെ ബോൾഡായിട്ടു പറയണം. ഈ രീതിയിൽ പറയാൻ കഴിവുള്ള പെൺകുട്ടികളെ തന്നെയാണ് ഇപ്പോൾ 99 ശതമാനവും കാണുന്നതെന്ന് എനിക്ക് തോന്നുന്നു. വളരെ നല്ല കാര്യമാണത്. നമ്മുടെ അഭിപ്രായങ്ങൾ എന്തുമാകട്ടെ, അത് തുറന്നുപറയാൻ നമ്മൾ മടിക്കേണ്ട ആവശ്യമില്ലല്ലോ. അതുകൊണ്ട് ഏതൊരു പെൺകുട്ടിയും തുറന്ന മനസ്സോടെ വളരെ ബോൾഡായിത്തന്നെ സമൂഹത്തിന്റെ മുന്നിലേക്ക് വരണമെന്ന് തന്നെയാണ് എന്റെ അഭിപ്രായം.

ചുറ്റുമുള്ളവർ എന്ത് വിചാരിക്കും എന്നൊക്കെയുള്ള പേടികൊണ്ടാകാം ചിലരുടെയെങ്കിലും ശബ്ദവും വാക്കുകളും പുറ ത്തേക്ക് വരാതിരിക്കുന്നത്. എന്റെ ഫ്രണ്ട്സ് ഗാംഗിനിടയിൽ ഉള്ളവരെക്കുറിച്ചുതന്നെ എനിക്കറിയാം. സ്വന്തമായി വരുമാനമില്ലെങ്കിൽ പോലും പ്രശ്നങ്ങളൊന്നുമില്ലാതെ അഡ്ജസ്റ്റാകുന്ന കുട്ടികളുണ്ട്. എന്നാൽ പെൺകുട്ടികൾക്ക് സ്വന്തമായി വരുമാനം കിട്ടുമ്പോഴുള്ള ഒരു വില എന്നുപറയുന്നത് ഇന്ന് തീരെ ചെറിയ കാര്യമല്ല. അതുകൊണ്ട് എല്ലാവരും ആ രീതിയിൽ ചിന്തിക്കണം, എല്ലാവരും സെൽഫ് ഇൻഡിപെന്റന്റാകണം, സ്വന്തമായി അഭിപ്രായങ്ങൾ പറയാൻ ബോൾഡാകണം എന്നാണ് ഞാൻ പറയുന്നത്.

മാർച്ച് മാസം ഗോപികയ്ക്ക് എങ്ങനെയാണ് പ്രിയപ്പെട്ടതാകുന്നത്?