துயரத்தை துரத்தும் தூதுவன் தூதுவளை!

அருகம்புல், குப்பைமேனி, சோற்றுக்கற்றாழை போல எங்கும் கிடைக்கும் மூலிகை தூதுவளை ஆகும். மிக அதிக பலன்களைக் கொண்டது. இதை எளிதாக பயன்படுத்தலாம்.

- எம்.மகேஷ்வரி

இந்த தாவரத்திற்கு ரோஜா செடி போல முட்கள் நிறைந்து இருக்கும். இலைகள் சற்று கசப்பு தன்மை கொண்டிருக்கும்.

இந்த மூலிகை செடிக்கு பக்கத்தில் வேலி மற்றும் பிற செடிகள் இருந்தால் அதைப்பற்றிக்கொண்டு எளிதாக வளர்ந்து விடும் தன்மை கொண்டது.

இதன் இலை, பூ, காய், வேர் எல்லாமே மருத்துவ குணம் கொண்டது.

இந்த மூலிகை, இருமல் சளியை விரட்டும் தன்மை கொண்டது. தண்ணீரில் தூதுவளை இலைகளை போட்டு காய்ச்சி குடித்து வந்தால் சளி, காய்ச்சல் நம்மை அண்டாது.