ராஜராஜேஸ்வரி கோவில்!

இந்தியாவில் பத்து மகா வித்யாக்களில் ஒருவராக ராஜராஜேஸ்வரி கருதப்படுகிறார். இவருக்கு திரிபுரசுந்தரி, காமாட்சி மற்றும் லலிதா எனவும் அழைக்கப்படுகிறார்.

- ராஜிராதா

இந்த ராஜராஜேஸ்வரி தன்னை கும்பிடும் பக்தர்களின் பயத்தை போக்குகிறார். ராஜராஜேஸ்வரிக்கு இந்தியா முழுவதும் பல பெயர்களில் பல நகரங்களில் கோவில்கள் உள்ளன. தமிழ்நாடு, கேரளா உள்பட தென்னிந்தியாவின் பல நகரங்களில், கிராமங்களில் கோவில்கள் உள்ளன.

கர்நாடகாவின் தட்சண கன்னடா மாவட்டம், குன்றுகள் மற்றும் வயல்களில் நடுவே பொலாலி என்ற இடத்தில் ஒரு அழகான கோவில் உள்ளது.

இந்தப்பகுதியை ஒரு சமயம் சந்தா என்ற மன்னர் ஆண்டு வந்தார். அவருக்கு வெற்றி விளையாட்டு அக்கம் பக்க பகுதிகளை ஜெயித்தார். இது அவருடைய அமைச்சர்களுக்கு பிடிக்கவில்லை. இதனால் எதிரி நாடுகளுடன் ரகசிய கூட்டணியை வைத்து தங்கள் மன்னரையே தோற்கடித்து விட்டனர். இதனால் அவர் நாட்டை விட்டு கிளம்பி காட்டிற்கு வந்தார்.

இதே சமயம் வைசியர் சாந்து என்பவரும், குடும்பத்தினரால் புறக்கணிக்கப்பட்டு அதே இடத்திற்கு வந்தார். அங்கு அவர்கள் சமேத முனிவர் என்பவரை சந்தித்தனர். அவர் இருவருக்கும் ராஜராஜேஸ்வரி மந்திரத்தை ஜெபிக்கும் படியும்,நல்லது நடக்கும் எனவும் கூறினார். அன்று முதல் இருவரும்,ராஜராஜேஸ்வரி மந்திரத்தை ஜபித்து தவம் செய்ய ஆரம்பித்தனர். ஒரு நாள் அவர்கள் முன் தேவி தோன்றினார்.