આ રાજા તો બહુ ગુણવાન છે!

ઉનાળામાં અમૃત ફળ તો ખાવાનું જ હોય, પણ એનાં ફાયદા અને જોખમ પણ જાણી લો તો કેરી વધુ સ્વાદિષ્ટ લાગશે.

- હિરવા ભોજાણી

ધો મધખતા તાપ વચ્ચે આહારવિજ્ઞાનની નવી કૉલમ શરૂ થતી હોય તો એનો શુભ  આરંભ અમૃત ફળથી જ થાય ને? ફળોના રાજાને આટલું માન તો મળવું જ જોઈએ. ખરું ને? આમ પણ આવી કાળઝાળ ગરમીમાં કોઈ એક સારી વાત હોય તો એ છે કેરી.

વેલ, તો કેરીની સીઝન શરૂ થઈ ગઈ છે. દેશમાં અલગ અલગ સમયે જુદા જુદા પ્રકારની કેરી મળે છે અને હવે તો ખાસ્સો લાંબો સમય મળતી રહે છે. આમરસના રસિયાઓને તો બારેમાસ બખ્ખા છે, કારણ કે ફ્રીઝ કરેલો રસ તો લગભગ આખું વરસ મળે છે. ઘણી ગૃહિણી કેરીની સીઝન પૂરી થવાની હોય ત્યારે રસ કાઢીને ફ્રીઝરમાં મૂકી દે એટલે દિવાળીમાં કે એની પછી પણ રસ-પૂરીનાં ભોજન માણી શકાય.

દુનિયામાં કેટલી જાતની કેરી ઉપલબ્ધ છે એનો કોઈ નિશ્ચિત આંક નથી અને અંદાજ પણ પ૦૦થી ૧૫૦૦ની વચ્ચેનો મુકાય છે. ભારતમાં પણ અનેક પ્રાંતમાં જુદી જુદી જાતની કેરી મળે છે. અમુકનાં અથાણાં બને, અમુક પાકે ત્યારે ખાઈ શકાય. દરેકની કંઈક ને કંઈક ખાસિયત. જો કે ગુણની દૃષ્ટિએ જોઈએ તો બધી કેરી લગભગ સરખી.

તો ચાલો, આજે આપણે કેરી અને એમાંથી મળતાં પોષક તત્ત્વોના ફાયદા વિશે જાણીએ.