ടിക്കറ്റുണ്ടോ കടലാസ് ടിക്കറ്റ്...

ടിക്കറ്റ് ശേഖരണം ഹോബിയാക്കിയവർക്കിത് വറുതിക്കാലം

ദോഹ: അഹമ്മദ് ബിൻ അലി സ്റ്റേഡിയം വേദിയായ ബെൽജിയം-കാനഡ മത്സരം കഴിഞ്ഞ് മെട്രോ സ്റ്റേഷനിലേക്കുള്ള നടത്തത്തിനിടയിലാണ് സ്റ്റേഡിയം കവാടത്തിലെ ആൾത്തിരക്കിനിടയിൽ പ്ലക്കാർഡുമായി ഒരു യൂറോപ്യൻ കാണി നിൽക്കുന്നത് കണ്ടത്. ഉപയോഗിച്ച ടിക്കറ്റുകൾ ശേഖരിക്കുന്നു ... കടന്നുവരുന്ന കാണികളിലേക്കാണ് ഇദ്ദേഹത്തിന്റെ ശ്രദ്ധ മുഴുവൻ. ചിലർ വന്ന് കുശലാന്വേഷണം നടത്തുന്നു, മറ്റു ചിലർക്ക് എന്തിനാണ് നിങ്ങൾക്ക് ടിക്കറ്റ് എന്നറിയണം. പക്ഷേ, കക്ഷിക്ക് നൽകാൻ ആരുടെ കൈയിലും ടിക്കറ്റില്ല.