ബോക്സിങ് ഡേയിൽ അടി, ഇടി

നാലാം ടെസ്റ്റ്: ഒന്നാം നാൾ ഇന്ത്യക്കെതിരെ ആസ്ട്രേലിയ 311/6

മെൽബൺ: ആദ്യ നാല് ബാറ്റർമാരും അർധശതകം കടന്ന ബോക്സിങ് ഡേ ടെസ്റ്റിന്റെ ഒന്നാംദിനം ആസ്ട്രേലിയക്ക് സ്വന്തം.

സ്റ്റമ്പെടുക്കുമ്പോൾ ഓസീസ് ഒന്നാം ഇന്നിങ്സിൽ ആറു വിക്കറ്റ് നഷ്ടത്തിൽ 311 റൺസെന്ന നിലയിലാണ്. അരങ്ങേറ്റക്കാരൻ സാം കോൺസ്റ്റാസ് (60), ഉസ്മാൻ ഖാജ (57), മാർനസ് ലബൂഷാൻ (72), ട്രാവിസ് ഹെഡ് (0), മിച്ചൽ മാർഷ് (4), അലക്സ് കാരി (31) എന്നിവരാണ് പുറത്തായത്. 68 റൺസുമായി സ്റ്റീവൻ സ്മിത്തും 17ൽ എട്ടു റൺസുമായി നായകൻ പാറ്റ് കമ്മിൻസും ക്രീസിലുണ്ട്. തുടക്കത്തിൽ പതറിയെങ്കിലും കുന്തമുന ജസ്പ്രീത് ബുംറ പോരാട്ടവീ ര്യം വീണ്ടെടുത്തതോടെയാണ് ഇന്ത്യ മത്സരത്തിലേക്ക് തിരിച്ചുവന്നത്. മൂന്നുപേരെ ബുംറ മടക്കി.