சபாநாயகா "இன்று அறிவிப்பு: டிச.9, 10–ஆம் தேதிகளில் கூடுகிறது: சட்டசபைக்கூடடம் 2 நாள் நடைபெறும்!

மதுரை மாவட்ட 'டங்ஸ்டன்' சுரங்கத் திட்டத்திற்கு எதிராக அரசு தீர்மானம்!!

Corrected Content with Proper Word Spacing:

தமிழக சட்டசபை டிசம்பர் 9 மற்றும் 10-ஆம் தேதிகளில் கூடுகிறது. 2 நாட்கள் நடைபெறும் இக்கூட்டத்தில் மதுரை மாவட்ட 'டங்ஸ்டன்' சுரங்கத் திட்டத்திற்கு எதிராக அரசு தீர்மானம் கொண்டு வரப்படுகிறது.

இத்தகவலை சபாநாயகர் அப்பாவு இன்று தெரிவித்தார்.

தமிழக சட்டசபை ஆண்டு தோறும் தொடக்கத்தில் ஒருமுறை கூடும். அப்போது ஆளுநர் உரை நிகழ்த்துவது வழக்கம். பின் பட்ஜெட் தாக்கல் செய்வதற்காக கூட்டம் நடக்கும். அதன்பிறகு பட்ஜெட் மானிய கோரிக்கை மீதான விவாதம் நடக்கும். அப்போது நீண்ட நாள் கூட்டத் தொடர் இடம் பெறும்.

இதைத்தவிர சில நேரங்களில் சட்டசபையின் அவசர கூட்டமும் நடத்தப்படும்.

2024-ஆம் ஆண்டு தொடங்கிய பிறகு சட்டசபையின் முதல் கூட்டம் கடந்த பிப்ரவரி மாதம் 12-ஆம் தேதி தொடங்கியது.
ஆளுநர் ஆர்.என். ரவி உரை நிகழ்த்தினார். இந்த கூட்டம் பிப்ரவரி 15 ஆம் தேதியுடன் நிறைவடைந்தது.
அன்றைய தினம் முதலமைச்சர் மு.க.ஸ்டாலின் பதிலுரை நிகழ்த்தினார்.

சிறிது நாள் இடைவெளிக்கு பிறகு பிப்ரவரி 19ஆம் தேதி மீண்டும் சட்டசபை கூடியது. அன்றைய தினம் தமிழக அரசின் பொதுப் பட்ஜெட்டை அமைச்சர் தங்கம் தென்னரசு தாக்கல் செய்தார். 20-ஆம் தேதி வேளாண் பட்ஜெட்டை அமைச்சர் எம்.ஆர்.கே. பன்னீர்செல்வம் வாசித்தார்.