ഭക്തരെ ഉണർവ്വിലേക്കും ഉന്മേഷത്തിലേക്കും നയിക്കുന്ന തീർത്ഥാടനം

ആരുടെ ഇരുമുടിക്കെട്ടായാലും അതിനുള്ളിലുണ്ടാകുന്നത് ഒരേ വസ്തുക്ക ളാണ്. മുൻകെട്ടിൽ സ്വാമിക്കുള്ളതും പിൻകെട്ടിൽ ഭക്തർക്കുള്ളതും. മുൻകെട്ടിൽ കാണിപ്പൊന്ന് കാണിക്കയിടാനുള്ള കുറച്ചുപണം, അവില്, മലര്, ചന്ദനത്തിരി, കർപ്പൂ രം, മഞ്ഞൾപ്പൊടി, കുങ്കുമം, പനിനീര്, നിവേദ്യത്തിനുള്ള ഉണക്കലരി. തീർന്നില്ല, കുടുംബത്തിലുള്ള എല്ലാവർക്കും എല്ലാ നന്മകളും ഉണ്ടാകണേ എന്ന പ്രാർത്ഥനയോടെ നിറച്ച നെയ്ത്തേങ്ങ. യാത്രയ്ക്കിടയിൽ പ്രധാനയിടങ്ങളിലൊക്കെ ഉടയ്ക്കാനുള്ള തേങ്ങകൾ വേറെയും.

- ബാബുരാജ് പൊറത്തിശ്ശേരി

ഒരു മണ്ഡലകാലം കൂടി വരവായി. ഭക്തമാനസങ്ങളെ ഉണർവ്വിലേയ്ക്കും ഉന്മേഷത്തിലേക്കും ഉയർത്തിയെടുക്കുന്ന അസാധാരണമായ ഒരു തീർത്ഥാടനകാലം. കഠിനമായി അദ്ധ്വാനിക്കാനും. അതിലൂടെ കിട്ടുന്ന വരുമാനം കൊണ്ട് ജീവിക്കാനും മറ്റുള്ളവർക്ക് കൂടി നല്ലൊരു ജീവിതമുണ്ടാക്കി കൊടുക്കുവാനും വേണ്ടിയുളള നെട്ടോട്ടത്തിനിടയിൽ എല്ലാ ദുഃഖങ്ങളും മറന്ന്, മഹാദുരിതങ്ങൾക്കെല്ലാം മാറ്റമുണ്ടാകണെ എന്ന പ്രാർത്ഥനയോടെ മല കയറാനൊരുങ്ങുന്ന കാലം. അത് കഠിനമായ അച്ചടക്കത്തിന്റെ കാലമാണ്. മനസ്സും ശരീരവും പൂർണ്ണമായും ഒരു മഹാശക്തിയിലേക്ക് കേന്ദ്രീകരിക്കുന്ന കാലം.

എല്ലാ ദുഃഖങ്ങളിൽ നിന്നും ദുരിതങ്ങളിൽ നിന്നും ദൗർബല്യങ്ങളിൽ നിന്നും രക്ഷിക്കാൻ സാക്ഷാൽ ശ്രീധർമ്മശാസ്താവിന് മാത്രമേ കഴിയൂ എന്ന ഉറച്ച ബോധ്യത്തോടെയുള്ള മുന്നോട്ടുപോക്കാണത്. ആ യാത്ര ഒരിക്കലും ഒറ്റയ്ക്കല്ല. അതൊരു കൂട്ടായ യാത്രയാണ്.

നമ്മുടെ ഉള്ളിലുള്ള ഈശ്വരീയ ചൈതന്യത്തെ  ഓരോരുത്തരും തിരിച്ചറിയുന്നു എന്നതാണ് ശബരിമല തീർത്ഥാടനത്തിന്റെ പ്രത്യേകത. ഓരോ മനുഷ്യനും അതിനു വേണ്ടി നടത്തുന്ന ഒരുക്കങ്ങളാണ് ഈ തീർത്ഥയാത്രയെ അസാധാരണമാക്കുന്നത്. വ്രതമെടുത്ത് കർമ്മങ്ങളെല്ലാം യഥാ വിധി ചെയ്ത് ശരണം വിളിയോടുകൂടിയുള്ള ആ യാത്ര ഭൗതിക ജീവിതത്തിൽ നിന്നും ആത്മീയതയിലേക്കുള്ള മലകയറ്റം കൂടിയാണ്.

മനസ്സും ശരീരവും ഒരു പോലെ ഈശ്വരനിലർപ്പിച്ച് പുണ്യപാപങ്ങളുടെ ഇരുമുടി ക്കെട്ടുമായി കാടും മേടും താണ്ടി സ്വാമിഭക്തരായ മനു ഷ്യർ സാവധാനം മല കയറുകയാണ്. സാവധാനത്തിലെ അങ്ങോട്ടെത്താനാവൂ, സാവധാനത്തിലെ തിരിച്ചിറങ്ങാനും സാധിക്കൂ. മറ്റ് ക്ഷേത്രങ്ങളിലെന്നപോലെ ആർക്കും എളുപ്പത്തിൽ ഓടിക്കയറി ചെന്ന് തൊഴുതു മടങ്ങാനാവാത്ത ഒരിടമാണത്. അതിനൊരിക്കലും സാധിക്കാത്ത ഒരു മാനസികാവസ്ഥയിലായിരിക്കും ഓരോ സ്വാമി ഭക്തനും അഥവാ ഓരോ സ്വാമിയും.