ഹനുമാൻ രചിച്ച രാമായണം

രാമായണത്തിൽ ശ്രീരാമൻ കഴിഞ്ഞാൽ പിന്നെ ഏറ്റവുമധികം വർണ്ണിക്കപ്പെടുന്നത് ഹനുമാനെയാണ്. വാൽമീകിരാമായണം, കമ്പരാമായണം, ആദ്ധ്യാത്മരാമായണം, രാമചരി തമാനസ്, ഹനുമദരാമായണം എന്നിങ്ങനെ വിവിധ ഭാഷകളിലായി ഒട്ടനവധി രാമായണങ്ങൾ രചിക്കപ്പെട്ടിട്ടുണ്ട്. ഇവയിൽ 'ഹനുമദരാമായണം' ഹനുമാൻ തന്നെ രചിച്ചതാ ണെന്നും പറയപ്പെടുന്നു. അതിന് ഉപോൽബലകമായി ഒരു സംഭവവും പറയപ്പെടുന്നു.

- അജയ്കുമാർ

ശ്രീരാമപട്ടാഭിഷേകശേഷം ഒരുദിവസം ഹിമാലയസാനുക്കളിലൂടെ സഞ്ചരിക്കുകയായിരുന്നു വാൽമീകി. അപ്പോൾ പോകുന്ന വഴികളിൽ കണ്ട പാറകളിലും കല്ലുകളിലും ചില വാചകങ്ങൾ കൊത്തിവച്ചിരിക്കുന്നത് അദ്ദേഹം കണ്ടു. അവയൊക്കെ വായിക്കാൻ തുടങ്ങി. എല്ലാം ശ്രീരാമന്റെ ജീവിതസംഭവങ്ങളെ ചിത്രീകരിക്കും വിധമായിരുന്നു എഴുതപ്പെട്ടിരുന്നത്. അതിലെ വരികളിൽ താൻ എഴുതിയ രാമായണത്തിലെ വരികളെക്കാൾ, കാവ്യാത്മകതയും അർത്ഥസമ്പുഷ്ടയുമുള്ളതാണെന്ന് വാൽമീകിക്ക് തോന്നി. ആരായിരിക്കും ഇതെഴുതി വച്ചിരിക്കുന്നത് എന്ത് ചിന്തിച്ചുകൊണ്ട് മുന്നോട്ടു നടക്കവേ അവിടെ ഒരു അത്ഭുതം അദ്ദേഹത്തെ കാത്തിരിക്കുന്നുണ്ടായിരുന്നു. ഹനുമാൻ യോഗനിഷ്ഠയിൽ ആസനസ്ഥനായി രാമനാമം ജപിച്ചുകൊണ്ടിരിക്കയായി രുന്നു. ഹനുമാന്റെ ഏകാഗ്രതയെ നശിപ്പിക്കരുതെന്ന് കരുതി വാൽമീകിയും അദ്ദേഹത്തോടൊപ്പം രാമനാമജപം തുടങ്ങി. രാമനാമജപം കേട്ട് ഹനുമാൻ നിഷ്ഠയിൽ നിന്ന് ഉണർന്ന് വാൽമീകിയെ തൊഴുതുനിന്നു. വാൽമീകി ഹനുമാനോട് രാമകാവ്യം എങ്ങനെ ശിലാഫലകങ്ങളായി ഇവിടെയുണ്ടായി എന്നാരാഞ്ഞു. അപ്പോൾ ഹനുമാൻ വിനയപൂർവ്വം വാൽമീകി മഹർഷിയോട് ഈവിധം വിവരിച്ചു.