సవతి తల్లి ప్రేమ తక్కువేమి కాదు

జనం ఆలోచనలకు భిన్నంగా కొన్నిసార్లు సవతి తల్లులు బంధువుల కంటే మరింత బాగా చూసు కుంటారు. ఎలాగో మీరూ తెలుసుకోండి.

- - దీపా పాండే

జనం ఆలోచనలకు భిన్నంగా కొన్నిసార్లు సవతి తల్లులు బంధువుల కంటే మరింత బాగా చూసు కుంటారు. ఎలాగో మీరూ తెలుసుకోండి.

మనోజ్ మనసులో కోపం రోజురోజుకీ పెరగసాగింది. 10 సంవత్సరాలపాటు అతడు అమ్మమ్మ ఇంట్లో ఉన్నాడు.ఇప్పుడు ఇక్కడికి వచ్చిన అతనికి తండ్రి సవతి తల్లిని స్నేహంగా, ఆమెకు పుట్టిన ఇద్దరు పిల్లలను మురిపెంగా చూసుకోవడాన్ని భరించడం కష్టంగా మారింది. మనోజ్ 16 ఏళ్ల యువకుడు. అమ్మమ్మ చనిపోయిన కొన్నాళ్ల తర్వాత తిరిగి తన ఇంటికి వచ్చాడు. కానీ ఇంట్లో మరో మహిళ, ఆమె పిల్లల అధికారాన్ని సహించలేకపోయాడు.

సవతి తల్లితో జాగ్రత్తగా ఉండాల్సి వస్తుందని అమ్మమ్మ వాళ్లింట్లో అందరూ అతనికి చెప్పేవారు. తల్లి లేని బిడ్డ మనోజ్. సవతి తల్లి ఎప్పటికైనా తక్కువే అనే విషయాలు అతని మనసులో నాటు కున్నాయి. ఫలితంగా అతనికి సవతి తల్లి మాట్లాడే ప్రతి మాట తప్పుగా అనిపించేది. చిన్న తమ్ముడిని కారణం లేకుండా కొట్టేవాడు. ఒక రోజు తండ్రి అతన్ని గట్టిగా బెదిరిస్తే ఆయన మంచంపై కిరోసిన్ పోసి నిప్పంటించాడు. ఎలాంటి ప్రాణ నష్టం జరగలేదు కానీ అందరూ నిర్ఘాంతపోయారు.