టపాసులు పేల్చేటప్పుడు జాగ్రత్త...

దీపావళి పండుగ సమయంలో టపాసులు పేల్చేటప్పుడు పెద్ద ప్రమాదాల నుంచి కాపాడు కోవడానికి ఈ చిన్న చిట్కాలను గుర్తుంచుకోండి.

- - పుష్పా భాటియా

దీపావళి రాత్రి మేమంతా బయట లాన్ లో టపాసుల సందడి చూడాలని కూర్చున్నాము. ఇరుగు పొరుగున, చిన్నా పెద్దా అందరూ టపాసులు పేల్చటంలో మునిగిపోయారు. సరదాలు జోకులు, టపాసులు శబ్దం మధ్య హఠాత్తుగా కేకలు వినిపించాయి.

"అమ్మా... అమ్మా...”.

అటు తిరిగి చూడగా, మా తమ్ముడు అక్కడ లేడు. తెలియకుండానే వెళ్లి టపాసులు పేల్చే గుంపులో చేరిపోయాడు. నిజానికి అతడు సొంతంగా టపాసులు పేల్చటం లేదు. కానీ మండుతున్న అనార్రి ఒక నిప్పు రవ్వ వచ్చి వాడి ప్యాంటు జేబుకి తాకింది. వెంటనే మంట చెలరేగింది. దాంతో జేబులో ఉన్న చిన్న బాంబు పేలి కాలిపోయింది. చిన్న పిల్లాడు కాళ్లు ఎగరేస్తూ అల్లాడుతున్నాడు. దగ్గర్లో దుప్పటి లేదా నీళ్ల బక్కెట్టు ఏమీ లేవు. హాస్పిటల్కి తీసుకెళ్లేసరికి వాడి శరీరం 10% తీవ్రంగా కాలిపోయింది.

వెలుగుల పండుగ దీపావళి అందరి జీవితాల్లో సుఖ శాంతులు నింపే వేడుక. ఆమధ్య సుప్రీం కోర్టు కాలుష్యాన్ని అరికట్టడం కోసం టపాసుల పేలుళ్లను నియంత్రించాలని చెప్పింది.ఎంతోమంది పర్యావరణ వేత్తలు టపాసులు పేల్చ వద్దని విజ్ఞప్తి చేస్తుంటారు. అయినప్పటికీ టపాసులు, మిఠాయిలు లేకుండా దీపావళి ఉల్లాసం ఏముంటుంది అనుకునే వాళ్లే ఎక్కువ కనిపిస్తుంటారు.