ఆరోగ్యానికి ఆయువు లాంటిది నిద్ర

ఆరోగ్యంగా ఉండాలంటే మనిషికి మంచి నిద్ర కావాలి. చాలామంది నిద్రలేమి సమస్యతో బాధపడుతున్నారు.

- - పూనమ్ పాండే •

ఆరోగ్యంగా ఉండాలంటే మనిషికి మంచి నిద్ర కావాలి. చాలామంది నిద్రలేమి సమస్యతో బాధపడుతున్నారు. మంచిగా నిద్ర పోవాలంటే సరైన మార్గాలు ఏమిటో? నిపుణులు ఏమంటున్నారో తెలుసుకుందాం.

రోజంతా పని చేసి అలసిపోయిన తర్వాత ప్రతి ఒక్కరికి కొంచెం నిద్ర అవసరం. ముఖ్యంగా మహిళలకు చాలా ముఖ్యం. ఎందుకంటే వారు ఇంటి పనితోపాటు ఉద్యోగాలు కూడా చేస్తారు. నిద్ర పోయే ముందు భర్తకు విధేయతగా ఉండటం కూడా ఆమెకు ముఖ్యం. లేకపోతే అతను కూడా చిరాకు పడతాడు.

మనలో చాలామంది వివిధ రకాలుగా నిద్ర పోతుంటారు. కొంతమంది ఒక పక్కకు ఒత్తిగిలి పడుకుంటే మరికొందరు వెల్లకిలా పడుకోవటానికి ఇష్టపడతారు. కానీ చాలామందికి సరైన నిద్ర విధానం గురించి తెలియదు. నిద్రకు ఉపక్రమించి నప్పుడు ఏ భంగిమలో పడుకుంటామా, నిద్ర లేచేటప్పుడు ఏ భంగిమలో పడుకుని ఉంటామా తెలుసుకోవడానికి పరిశోధకులు అనేక కొత్త పద్ధతులను ఉపయో గిస్తున్నారు. ఎందుకంటే నేటి బిజీ ప్రపంచంలో చాలా మంది నిద్రలేమితో బాధపడుతున్నారు.

మొదట పిల్లలతో ప్రారంభిద్దాం : నవజాత శిశువులు దాదాపు 20 నుంచి 22 గంటలు నిద్ర పోతారు. వారు తరచుగా నిద్ర లేచి, ఆకలితో ఉన్నప్పుడు మాత్రమే ఏడుస్తారు. శిశువు పెరుగుతున్న కొద్దీ అతని నిద్ర పోయే సమయం తగ్గుతుంది. 2-3 సంవత్సరాల వయసు వరకు తమ పిల్లలను నిద్ర పుచ్చడం మహిళలకు చాలా కష్టమైన పని. తన పగటిపూట కంటే రాత్రి నిద్ర లేచి ఎక్కువగా ఏడుస్తుందని దాని వల్ల రాత్రంతా తనకు నిద్ర ఉండటం లేదని, పగలు ఇంటి పని నుంచి కాస్త తీరిక దొరికినా, తన బిడ్డ అదే సమయానికి నిద్రలేస్తుందని నీలం చెప్పింది. ఆమెకు విశ్రాంతి తీసుకునే అవకాశం లేదు.

శిశువు నిద్ర పోయే గంటలు

పిల్లలు వేర్వేరు సమయాల్లో నిద్ర పోతుంటారు. ఇది వారి వయసు, ఆకలి మీద ఆధారపడి ఉంటుంది. పిల్లలు లేదా పెద్దలు కావచ్చు. ప్రతి ఒక్కరికి సొంత నిద్ర విధానం ఉంటుంది. కానీ ప్రతి ఒక్కరూ వారికి అనువైన భంగిమలో మాత్రమే సుఖంగా నిద్రపోగలరు.

అందువల్ల బిడ్డ పుట్టిన తర్వాత బిడ్డకు సంబంధించిన ప్రతి అంశాన్ని శ్రద్ధగా గమనించాలి. కాబట్టి మొదట శిశువు నిద్ర పోయే సమయాల గురించి చూద్దాం.

• పుట్టిన మొదటి 2 వారాలలో అంటే పసి పిల్లలు 20 గంటలు లేదా అంతకంటే ఎక్కువ నిద్రిస్తుంటారు.

• శిశువుకు 6 నెలల వయసు ఉంటే 18 నుంచి 20 గంటల వరకు నిద్ర పోవచ్చు. మధ్యలో 3 నుంచి 4 సార్లు మేల్కొంటారు.