రాలుతున్న జుట్టుని కాపాడుకోవటం ఎలా?

వెంట్రుకలు రాలిపోయే సమస్య మిమ్మల్నివేధిస్తోందా? అయితే దీనికి మూల కారణాలు తెలుసుకుంటేనే సరైన పరిష్కారం పొందగల్గుతారు... అదేమిటంటే..

వెంట్రుకలు రాలిపోయే సమస్య మిమ్మల్నివేధిస్తోందా? అయితే దీనికి మూల కారణాలు తెలుసుకుంటేనే సరైన పరిష్కారం పొందగల్గుతారు... అదేమిటంటే..

ఒ క అడల్ట్ వ్యక్తికి తల మీద సగటున లక్షన్నర వరకు కేశాలు ఉంటాయి.‘అమెరికన్ అకాడమీ ఆఫ్ డెర్మటాలజీ' ప్రకారం రోజుకి 50 నుంచి 100 వెంట్రుకలు రాలిపోవటం సాధారణమే.ఇంతకంటే ఎక్కువ రాలినా లేదా గుచ్ఛాలుగా ఊడినా హెయిర్ ఫాల్ సమస్య ఉందని భావించాలి. సమయానికి ఈ ట్రీట్మెంట్ తీసుకోకపోతే బట్టతలగా మారే ప్రమాదముంది.

సాధారణంగా మహిళల్లో బట్టతల తక్కువే కనిపిస్తుంది. కానీ అధిక కాలం వరకు కురులు రాలే సమస్య ఉన్నట్లయితే జుట్టు అందంగా తగ్గి పోతుంది. అందుకే లక్షణాలు కనపడగానే జాగ్రత్త వహించాలి. అధికంగా రాలుతున్నప్పుడు కారణాలను తెలుసుకోవాలి. నిజానికి ఈ సమస్య హెయిర్ కేర్ రొటీన్ సరిగ్గా లేకపోవటం, రాంగ్ డైట్, స్కాల్ప్ సంబంధమైన రోగాల వల్ల ఉత్పన్న మవుతుంది. మనసులో ఎలాంటి ఒత్తిడి ఉన్నా జుట్టు రాలిపోతుంది.

కేశాలు రాలే ప్రక్రియ

తల మీద వెంట్రుకలు నిదానంగా తగ్గటం: అతి సాధారణంగా కనపడే లక్షణం ఇదే. వయసు పెరుగుతున్న కొద్ది ఇది అధికమవుతుంది. పురుషుల్లో సాధారణంగా నుదుటిపై నుంచి కేశాలు రాలటం మొదలవుతుంది. కానీ మహిళల్లో తల నలువైపులా కేశాలు తగ్గుతుంటాయి.

గుండ్రటి మచ్చ మధ్య రాలటం కొందరిలో మచ్చ లాంటి ప్రదేశం నుంచి కేశాలు రాలి పోతాయి. అంటే తల మీద ఒక ప్రాంతంలో నాణెం పరిమాణంలో మచ్చగా ఏర్పడి, అక్కడ వెంట్రుకలన్నీ తొలగిపోతుంటాయి.

టచ్ చేసినా గుచ్ఛాలుగా ఊడటం : కొంత మందికి జుట్టుని పట్టుకోగానే కొన్ని వెంట్రుకలు గుచ్ఛాలుగా ఊడిపోతాయి. వీరికి బట్టతల వేగంగా వస్తుంది. కాకపోతే కొందరిలో త్వరగా ఇది నయం కూడా అవుతుంది. సాధారణంగా ఒక వ్యక్తి ఏదైనా సీరియస్, లాంగ్ టైమ్ శారీరక సమస్యల్ని కలిగి ఉన్నప్పుడు ఇది కనిపిస్తుంది.