25 అద్భుతమైన వంటగది ఉపాయాలు

న్యూ ఇయర్ కిచెన్ని స్మార్ట్ , వంటల్ని మరింత రుచికరంగా చేసేందుకు ఈ ఉపాయాలు మీకు చక్కగా సహాయపడతాయి.

- - శోభా కటారే •

ఈ రోజుల్లో ఎక్కువ శాతం ఇళ్లలో మహిళలు కూడా జాబ్ లేదా ఏదైనా ప్రొఫెషన్లో ఉంటున్నారు. అందుకే వారి దగ్గర ఎల్లప్పుడు సమయం కొరత ఉంటుంది. తక్కువ టైమ్లోనే ఇంట్లో అన్నీ వ్యవస్థీకృతం చేసి, క్లీనింగ్తోపాటు అన్ని పనులు పూర్తి చేయాలి. దీంతోపాటు వీరికి ఎక్కువ సమయం కిచెన్లో గడపాల్సి వస్తుంది. కుటుంబ సభ్యులు కోరిన పదార్థాల్ని చేయటంలో చాలా టైమ్ పోతుంది. ఫలితంగా అలసట కూడా వస్తుంది.

మీకు కూడా ఇలాగే జరుగుతున్నట్లయితే కిచెన్లో కొన్ని స్మార్ట్ టిప్స్ పాటించండి. వీటితో మీరు సమయం తక్కువ ఉన్నా చక్కగా వంట చేయగల్గుతారు. మిగిలిన టైమిని మీకు అవసరమైన పనులకు కేటాయించుకోవచ్చు లేదా విశ్రాంతి పొందవచ్చు.

ఇందుకోసం ఈ కిచెన్ హ్యాక్స్ని తప్పక

ప్రయోగించి చూడండి. వీటితో వీలైనంతగా సమయాన్ని ఆదా చేసుకోవచ్చు.

• మీ గ్యాస్ బర్నన్ని అప్పుడప్పుడు శుభ్రం చేస్తూ ఉండండి. మురికి బర్నర్ వల్ల గ్యాస్ వెలువడక, వేడి తగ్గి, వంట ఆలస్యమైపోవచ్చు.

• వండటం లేదా వేడి చేయటం కోసం వెడల్పాటి గిన్నెలు వాడండి. వీటి వల్ల నూనె లేదా ఆహారం త్వరగా వేడెక్కుతుంది.

జాబ్ చేసే వారైతే ఉదయం ఆఫీసుకి వెళ్లే హడావుడిలో ఉంటారు. కనుక కొన్ని ప్రత్యేక చిట్కాలు ఇలా పాటించండి :

• వేగంగా తయారయ్యే కూరను ఎంచుకోండి.ఫ్రై కోసం కూరగాయల్ని రాత్రి కడిగి, కట్ చేసి పెట్టుకోవచ్చు. కంటెయినర్లో ఉంచితే ఉదయం వేగంగా అందుకొని కూర చేయ వచ్చు. గ్రేవీ చేయాలనుకుంటే టమాటాల్ని గ్రైండ్ చేసి పెట్టుకోవచ్చు. అల్లం - వెల్లుల్లి పేస్టునీ రెడీగా ఉంచుకోవాలి. దీన్ని ఫ్రిజ్లో 2-3 రోజుల వరకు నిల్వ చేయవచ్చు.