డాక్టరు సలహాలు

డాక్టరు సలహాలు

నాకు డయాబెటిస్ ఉంది, అకస్మాత్తుగా కంటి చూపు తగ్గిపోయింది. చెకప్ చేయిస్తే డయాబెటిక్ రెటినోపతి అని తెలిసింది. ఈ వ్యాధి ఎందుకు వస్తుంది. దీనికి చికిత్స ఏమిటి?

డయాబెటిక్ రెటినోపతికి ప్రధాన కారణం డయాబెటిస్. రక్తంలో అధిక స్థాయిలో చక్కెర ఉన్న కారణంగా రెటీనాలో రక్త నాళాలు దెబ్బతింటాయి. దీంతో వ్యాధి ఏర్పడుతుంది. ఈ వ్యాధితో రెటీనాకు రక్తాన్ని సరఫరా చేసే సిరల్లో వాపు ఏర్పడుతుంది. దీంతో దృష్టి మందగిస్తుంది. డయాబెటిస్ ఎక్కువ కాలం ఉన్న వ్యక్తుల్లో డయాబెటిక్ రెటినోపతి వచ్చే అవకాశం ఎక్కువగా ఉంటుంది. చికిత్స తీసుకోకపోతే ఇది అంధత్వానికి దారి తీయవచ్చు.

డయాబెటిస్ రెటినోపతి చికిత్సలో లేజర్ను ఉపయోగిస్తారు. ఇది రెటీనా వెనక ఉన్న కొత్త రక్త నాళాలకు నష్టం జరగకుండా, కంటిలోకి రక్తం, ద్రవం రాకుండా నిరోధించడానికి చేస్తారు. కళ్లలో వాపు తగ్గించడానికి లేదా కళ్ల వెనుక రక్త నాళాల నష్టాన్ని నివారించడానికి ల్యూసెంటిస్, అవాస్టిన్ ఇంజెక్షన్లు ఇస్తారు. లేజర్, ఇంజక్షన్తో చికిత్స సాధ్యం కాకపోతే విట్రెక్టమీ సర్జరీ చేస్తారు.

గత నెలలో పరీక్ష చేయిస్తే నాకు డయాబెటిస్ ఉందని తెలిసింది. డయాబెటిక్ రోగులు పండ్లు తింటే షుగర్ లెవల్ పెరుగుతుందా?

ఇది పూర్తిగా అపోహ. డయాబెటిక్ రోగులు ప్రతి రోజు ఎలాంటి సంకోచం లేకుండా 150200 గ్రాముల పండ్లు తినవచ్చు. యాపిల్, నారింజ, బొప్పాయి, బేరి పండు, జామ, దానిమ్మ, లాంటి తక్కువ గ్లైసీమిక్ ఇండెక్స్ ఉన్న పండ్లను తినాలి. ద్రాక్ష, మామిడి, సపోటా, పైనాపిల్కి దూరంగా ఉండాలి. అప్పుడప్పుడు అరటిపండు తినవచ్చు. కానీ పెద్ద సైజువి తినకూడదు.