கசப்பான மேஜிக்

தாரா மற்றும் கேத்தி இருவரும் பிரிக்க முடியாத தோழிகள்.

- சர்வமித்ரா

அவர்களுக்கு இடையில் ஏற்பட்ட எதிர்ப்புகள் முழுமையாக சரியானது.

அன்று வகுப்புக்கு சென்றபோது ரோஷினி மேடம் இரண்டு நோட்டுப் புத்தகங்களை மேஜை மீது எடுத்து வைத்தார். அப்போது மாணவர்கள் சிரிப்பொலி எழுப்பினர். உடனே கேத்தி தன் மேசைக்குள் முடங்கினாள்.

அவளுக்கு கண்ணீர் பொங்கியது.

அழுவதை அவளது வகுப்பு தோழர்கள் பார்க்க வில்லை.. பள்ளி முடிந்ததும், தாரா அவளை பள்ளி மைதானத்திற்கு வருமாறு இழுத்தபோது, கேத்தி அவளைத் தள்ளிவிட்டாள். "நீ ஒரு பொய் சொல்லும் ஏமாற்றுக்காரி. இனி உனக்கும் எனக்கும் எந்தவித நட்பும் கிடையாது" என ஆவேசமாக பேசினாள். அதை கேட்டு தாரா அதிர்ச்சியடைந்தாள். ஏன் கேத்தி இப்படி சொல்கிறாள் என அவள் யோசித்தாள். உடனே அவள், "நான் என்ன செய்தேன். நீ ஏன் கோபப்படுகிறாய் என்று தெரியவில்லை.

எதுவாக இருந்தாலும் சொல்... அதை திருத்திக் கொள்கிறேன் என்று தாரா கூறினாள். ஆனால் அதைக் கேட்கும் நிலையில் இல்லாமல் தாராவின் பிடியிலிருந்து தன் கையை விலக்கி விட்டு, ஆவேசமாக வீட்டுக்குத் திரும்பினாள் கேத்தி. இருந்தும் அவளைப் பின்தொடர்ந்தாள் தாரா. ஆனால் கேத்தி அதை கவனிக்கவில்லை. அவள் வழக்கம் போல் தேங்க்ஸ் என கூறி விடைபெறவில்லை.

வீட்டுக்கு திரும்பி வந்த கேத்தி ஸ்நாக்ஸ் எதுவும் உள்ளதா என அறிய அலமாரியைத் திறந்தாள். அப்போது அங்கு நின்ற தாராவைப் பார்த்ததும் அவள் கண்கள் கலங்கின. உடனே தனக்கு பிடித்த கிரீம் பிஸ்கட் வேண்டும் என கேட்ட கேத்தி தாயிடம் அதை வாங்கினாள். பிறகு ஒன்றை வெளியே எடுத்து சாப்பிட எண்ணினாள். ஆனால் அவளுக்கு சாப்பிட மனம் வரவில்லை.

இதனால் சற்று தோளை குலுக்கினாள் அப்போது "கேத்தி, வா, த்ரோ பால் விளையாடுவோம்” தாரா கையில் பந்தோடு ஓடி வந்தாள். "ஹ்ம்ம், நான் உன்னுடன் விளையாட விரும்பவில்லை.

நீ என் தோழி இல்லை" என்று கூறி கேத்தி ஊஞ்சலில் ஏறி ஆட ஆரம்பித்தாள்.

"சொல்லு கேத்தி, ஏன் என் மேல் கோபமா?'' என்று கேட்ட தாரா ஊஞ்சலை நிறுத்தினாள்.

“உன்னால் தான் மொத்த வகுப்பும் என்னைப் பார்த்து சிரித்தது" கேத்தி கர்ஜித்தாள்.

அதைக்கேட்டதும் “என்ன நடந்தது? ஏன்? அப்படி?" என தாரா கேள்வி எழுப்பினாள்.