പരാക്രമം

കുട്ടി ക്കാലം മുതൽ വളർച്ചയുടെ സംഭവബഹുലമായ പലപല ഘട്ടങ്ങളിലൂടെ കടന്ന് അവസാനം തിരിച്ചറിയുന്ന ജീവിതയാഥാർത്ഥ്യങ്ങളാണ് പരാക്രമം' എന്ന ചിത്രത്തിൽ അർജുൻ രമേശ് ദൃശ്യവൽക്കരിക്കുന്നത്.

- എ.എസ്. ദിനേശ്

സൂഫിയും സുജാതയും ഫെയിം ദേവ്മോഹൻ, സോണ ഒലിക്കൽ എന്നിവരെ പ്രധാന കഥാപാ തങ്ങളാക്കി അർജ്ജുൻ രമേശ് തിരക്കഥയെഴുതി സംവിധാനം ചെയ്യുന്ന "പരാക്രമം' നവംബർ അവസാനം പ്രദർശനത്തിനെത്തുന്നു.

മില്ലേന്നിയൽ ഫിലിംസ് നിർമ്മിക്കുന്ന ഈ ചിത്രത്തിൽ രഞ്ജിപണിക്കർ, ജിയോ ബേബി, സംഗീതമാധവൻ, സ്വപ്നപിള്ള, രവി ഖേമു, സച്ചിൻലാൽ ഡി, കിരൺ പീതാംബരൻ തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു. ഒപ്പം "വാഴ'ഫെയിം സിജു സണ്ണി, ജോമോൻ ജ്യോതിർ, അമിത് മോഹൻ രാജേശ്വരി എന്നിവരും മുഖ്യവേഷത്തിൽ അഭിനയിക്കുന്നു.

വിശാഖ് സുകുമാരൻ കേണൽ സുകുമാരന്റെയും സാവിത്രിയുടെയും മകൻ. കുട്ടിക്കാലം മുതൽ വിശാഖിന്റെ ഹീറോ അച്ഛൻ തന്നെയാണ് അമ്മയായിട്ട് അത്ര നല്ല അടുപ്പമല്ല ഉള്ളത്. ഒരു ലക്ഷ്യവുമില്ലാതെ തെക്കുവടക്ക് നടന്ന് മുന്നോട്ടുപോകുന്ന വിശാഖിനോട് അമ്മ എപ്പോഴും ഓരോന്ന് പറഞ്ഞ് കുറ്റപ്പെടുത്തി എന്നതാണ് പ്രധാന കാരണം.

അച്ഛൻ കഴിഞ്ഞാൽ ഏറ്റവും കൂടുതൽ ഇഷ്ടപ്പെടുന്നത് കളി കൂട്ടുകാരി അനുപമ സോമനോടാണ്. ബാല്യകാലത്തെ ഇഷ്ടം കൂടി വളർന്നപ്പോൾ പുതിയ സ്വപ്നങ്ങൾ നെയ്ത് തുടങ്ങിയിരുന്നു.