સાંસ્કૃતિક, ધાર્મિક અને ઐતિહાસિક વારસાને આવરી લેતા રાજ્યના સંગ્રહાલયો

મધ્યપ્રદેશના સંગ્રહાલયોએ રાજ્યના સમૃદ્ધ અને ભવ્ય ભૂતકાળને સાચવ્યો છે. પ્રવાસનથી સમૃદ્ધ મધ્યપ્રદેશ તેની ઐતિહાસિક, સાંસ્કૃતિક અને કુદરતી વિવિધતા માટે પણ જાણીતું છે. રાજ્યના સમૃદ્ધ અને ભવ્ય ભૂતકાળને સાચવવામાં અહીંના સંગ્રહાલયોની ભૂમિકા ખૂબ જ વિશેષ છે. રાજ્યભરમાં ડઝનબંધ સંગ્રહાલયો રાજ્યના ઇતિહાસને સાચવવાના પ્રયાસોમાં મદદ કરી રહ્યા છે. આ સંગ્રહાલયો માત્ર આપણા મહાન ભૂતકાળની વાર્તાઓ જ નથી વર્ણવતા પણ પ્રવાસીઓમાં ઈતિહાસ પ્રત્યે રસ પણ પેદા કરે છે. ચાલો, મધ્યપ્રદેશના કેટલાક સંગ્રહાલયો પર એક નજર કરીએ.

આદિજાતિ સંગ્રહાલય, ભોપાલ

મધ્યપ્રદેશની રાજધાની ભોપાલ, જેને 'સરોવરોનું શહેર' તરીકે પણ ઓળખવામાં આવે છે, ત્યાં ઘણા સંગ્રહાલયો છે જે જૂના યુગની અજાણી વાર્તાઓ ધરાવે છે. અહીંનું સૌથી મોટું આકર્ષણ આદિવાસી સંગ્રહાલય(ટ્રાઈબલ મ્યુઝિયમ) છે. મધ્યપ્રદેશની વિવિધ જાતિઓને દર્શાવતા વિવિધ રંગોથી શણગારેલું, આ મ્યુઝિયમ છ અલગ અલગ ગેલેરીઓમાં વહેંચાયેલું છે. અહીં રાજ્યની સાતેય જાતિઓ - ગોંડ, ભીલ, ભરિયા, સહરિયા, કોરકુ, કોલ અને બૈગાની લોકવાયકા, જીવનશૈલી, ધાર્મિક વિધિઓ અને સામાજિક રીતરિવાજો પરંપરાગત કલા દ્વારા પ્રદર્શિત થાય છે. જેમ જેમ તમે મ્યુઝિયમની અંદરની ગેલેરીઓમાં પ્રવેશ કરો છો, ત્યારે તમને મધ્યપ્રદેશના આદિવાસીઓની જીવનશૈલીનો જીવંત અનુભવ થાય છે.

ઈન્દિરા ગાંધી રાષ્ટ્રીય માનવ સંગ્રહાલય (IGRMS), ભોપાલ