બી એથનિક ટુ બી સમવન સ્પેશિયલ

ઇમ્પ્રેસિવ એથનિકવૅર આજની ગ્લોબલ એથનિક ફૅશનની બળવાન પ્રેરણા છે જે લુપ્ત થવાને આરે આવે તે પહેલાં જ આપણે ઝીલી લેવાની છે. ગારમેન્ટ ઇન્ડસ્ટ્રીઝની દુનિયામાં એથનિકવૅરનો વેપાર ફૅશનની એસ્થેટિક સમજ લઈને ધબકે છે.

રક્ષા ભટ્ટ

ફૅશન સ્વ-અભિવ્યક્તિનું એક એવું સ્વરૂપ છે જે સમય, સ્થળ અને કેટલાક વિશિષ્ટ સંદર્ભો, પ્રસંગો અને હેતુઓ લઈને બહુરૂપિયા માફ્ક સતત પરિવર્તિત થતું રહે છે. વસ્ત્ર પરિધાન, લાઇફસ્ટાઇલ, મેકઅપ, ફૂટવેર, હેરસ્ટાઇલ અને એક્સેસરિઝ કે ઉપસાધનોની ઊકળતી દુનિયા આનું ઉત્તમ ઉદાહરણ છે.

આપણા સમગ્ર દેખાવને સોશિયલ સ્ટેન્ડિંગ બક્ષતી પહેરવાઓઢવાની ટ્રેડિંગ સ્ટાઇલ અને કલાને ફેશન ગણતા ફેશન ઉદ્યોગમાં શેનું વલણ છે? શેનું ચલણ છે? શેનો રુખ છે અને શું અનુસરાય છે તેને કન્સિડર કરી ક્યારેક રેમ્પ પર ચાલવાનું હોય છે તો ક્યારેક ડિનર પાર્ટી કે કોન્સર્ટમાં જવાનું હોય છે. ક્યારેક કોઈ હાઈ સ્ટેટસ રિસેપ્શન કે સમારંભમાં જવાનું હોય છે તો ક્યારેક જે-તે ફેશન કે ટ્રેન્ડમાં હોવા માત્રનો લુત્ફ પણ ઉઠાવવાનો હોય છે.

૧૪૮૨માં વપરાયેલો ‘મોડ’ નામનો શબ્દ ફેશનનો અર્થ લઈને અત્યારે તો રંગેચંગે છવાયેલો છે. કોઈ આકર્ષક અને અસરકારક શૈલીની વિભાવના લઈને કોઈ ક્રેઝ, કોઈ ફ્લેવર, કોઈ ફ્તર, કોઈ ફ્સ અને કોઈ કન્સેપ્ટ કે ક્રશ માફ્ક રોજ નિત્ય નૂતન અને અજાયબ ઓફર કર્યા કરતી ફૂટવેર કે વસ્ત્ર પરિધાન, લાઇફ સ્ટાઇલ કે આભૂષણોની ટ્રેન્ડિંગ સ્ટાઇલનું આયુષ્ય ભલે અલ્પ હોય, પરંતુ અપીલિંગ અને આઉટસ્ટેન્ડિંગ તો હોય જ છે. ક્યારેક તો તે ફર્સ્ટ સાઇટ લવ કે હલાબુલુ હોય છે જે ફેશનના ઘૂઘવતા દરિયાના કિનારે ઊભેલા ફેશન રસિકોને અંગેઅંગ ભીંજવે છે. એ પછી અમુક સમયે જે-તે ફેશનનો ચાર્મ ઘટે છે, રાધર ઓલમોસ્ટ ઓસરી જઈ અદૃશ્ય થાય છે અને ફરી વર્ષોના અંતરાળ પછી ટર્કીશ એલિફ્ટ પેન્ટ એમેઝોન ડોટ કોમ પર એલિફ્ટ કળીદાર પ્લાઝો થઈને પાછો આવે એવો ઘાટ પણ ઘડાય છે.

ફેશન જગતના આવા હબબની પેલે પાર પોશાક અને આભૂષણોની કેટલીક એવી પરંપરાઓ છે જે સતત બદલાતી ફેશન વચ્ચે એથનિકા થઈને દાયકાઓથી, વર્ષોથી અકબંધ, અખંડ ઊભી છે અને ભારતની મુલાકાતે આવતા પરદેશી પ્રવાસીઓને, ફેશન જગતના માંધાતાઓને, છબીકારોને અને ડિઝાઇન વેર દાદુઓને પણ આકર્ષે છે.